विश्व औलो दिवसः डब्लुएचओको औलो उन्मूलनका लागि सशक्त आह्वान

काठमाडौँ । आज विश्व औलो दिवस मनाइँदैछ। यस अवसरमा विश्व स्वास्थ्य सङ्गठन WHO ले विश्वभरका सरकार र सम्बद्ध निकायलाई औलो (मलेरिया) उन्मूलनका लागि अझ दृढ नीतिगत प्रतिबद्धता र प्रभावकारी कार्यान्वयनमा जोड दिन आह्वान गरेको छ।

सङ्गठनका महानिर्देशक डा.टेड्रोस अधानोम गेब्रेयससले राजनीतिक इच्छाशक्ति, दिगो लगानी, बहुक्षेत्रीय सहकार्य र समुदायको सक्रिय संलग्नता मार्फत औलो उन्मूलन सम्भव हुने बताए।

औलो, विशेष गरी अफ्रिकी तथा दक्षिण एशियाली क्षेत्रका लागि अझै गम्भीर स्वास्थ्य चुनौती बनेको छ। हरेक वर्ष औलोका कारण विश्वभर लाखौँ मानिस प्रभावित भइरहेका छन्।

आजकै दिन अन्तर्राष्ट्रिय प्रतिनिधि दिवस पनि मनाइन्छ। सन् १९४५ अप्रिल २५ मा सान फ्रान्सिस्कोमा आयोजित संयुक्त राष्ट्रसंघीय सम्मेलनमार्फत दोस्रो विश्वयुद्धपछिको नयाँ विश्वव्यवस्था निर्माणको अभियान सुरु गरिएको स्मरणमा यो दिवस मनाइन्छ।