आँधीका कारण २ लाख मानिस विस्थापित

फिलिपिन्स । फिलिपिन्सका २ लाख मानिस विस्थापित भएका छन् । बाढी पहिरो र आँधीका कारण दुईजनाको मृत्यु भएको स्थानीय संचारमाध्यमले जनाएका छन् । आँधीका कारण मुख्य विमानस्थल नै बन्द गरिएको छ भने समुद्री किनाराका मानिसहरुलाई सुरक्षित स्थानतर्फ सारिएको छ ।

कम्मुरी नामक यो आँधी यस वर्षको २०औं आँधी हो । टापु क्षेत्रमा बढी जोखिम देखिएको र युद्धजस्तो महसुश भएको टिप्पणी संचारमाध्यमको छ । अहिले पनि भारी वर्षा र बाढीको असर परिरहेकोले अन्तर्राष्ट्रिय विमानस्थल बन्द गरिएको छ भने दर्जनौँ उडान रद्ध गर्नुका साथै अवतरण हुन लागेका जहाज पनि अन्यत्रै पठाईका छन् । एजेन्सी