उपत्यकामा थप १३८ कोरोना संक्रमित थपिए, ९१ संक्रमितको मृत्यु, संक्रमितको संख्या २४ हजार नाघ्यो (भिडियो)

२८ साउन २०७७ काठमाडौं । उपत्यकामा थप १३८ जनामा कोरोना संक्रमण पुष्टि भएको छ । काठमाडौंमा १०९, ललितपुरका २१ र भक्तपुरका ८ जना गरी १३८ जना संक्रमित थपिएका छन् ।

मन्त्रालयका अनुसार राष्ट्रिय जनस्वास्थ्य प्रयोगशालामा गरिएको परीक्षणमा १० जना, शुक्रराज ट्रपिकल तथा सरुवा रोग अस्पतालमा २९ जना, पाटन अस्पतालमा ११ जना, वीर अस्पतालमा २ जना, शिक्षण अस्पतालमा ११ जन र नेपाल प्रहरी अस्पतालमा गरिएमको परीक्षणमा २२ जनामा संक्रमण भेटिएको हो ।

भिडियाे …

https://www.facebook.com/Kailashkhabarnews/videos/3739535356060134/

यस्तै स्टार हस्पिटलमा ९ जना, ह्याम्स अस्पतालमा ८ जना, बिथ ल्याबमा ५ जना र वीरेन्द्र सैनिक अस्पतालमा गरिएको परीक्षणमा २ जनामा संक्रण पुष्टि भएको हो । यस्तै ललितपुरमा २१ र भक्तपुरमा ८ जना संक्रमित थपिएको स्वास्थ्य मन्त्रालयले जनाएको छ ।

नेपालमा बुधबार थप ४८४ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या २४ हजार ४३२ पुगेको छ । पछिल्लो २४ घण्टामा थप ६४ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १६ हजार ७२८ पुगेको छ । आज थप ८ जनाको मृत्यु पुष्टि भएसँगै मन्त्रालयका अनुसार हालसम्म कोरोनाले ज्यान गुमाउनेको संख्या ९१ पुगेको छ ।

कहाँ कति थपिए ?

स्वास्थ्य मन्त्रालयका अनुसार काठमाडौँका १०९, ललितपुरका २१, भक्तपुरका ८, झापाका १०, मोरङका ४८, रौतहटका २४, सुनसरीका १५, इलामका १, ताप्लेजुङका १, सप्तरीका ५ जनामा कोरोना भाइरसको संक्रमण पुष्टि भएको छ । यसैगरी सिरहाका १०, धनुषाका ३९, महोत्तरीका ४४, गोर्खाका २, नुवाकोटका २, सर्लाहीका ६, बैतडीका २, चितवनका १५, तनहुँका २, बाराका १५, मकवानपुरका १६, दोलखाका २, काभ्रेका ५, कैलालीका ३ र पर्साका ३ जनामा कोरोना पुष्टि छ ।

यस्तै सिन्धुलीका २, बाँकेका १, दाङका १, ओखलढुङ्गाका १, रामेछापका १, जाजरकोटका १, कपिलवस्तुका १, खोटाङका १, पाल्पाका १, धादिङका २ जनामा कोरोना पुष्टि भएको छ । त्यसैगरी कास्कीका १३, स्याङ्जाका ६, अर्घाखाँचीका ३, रुपन्देहीका ८, रुकुमका ३, सल्यानका १, सुर्खेतका १८, दैलेखका ४, डोटीका २, दार्चुलाका ५ र कञ्चनपुरका ३ जनामा कोरोना संक्रमण पुष्टि भएको मन्त्रालयले जानकारी दिएको छ ।

सक्रिय संक्रमित कुन प्रदेशमा कति ?

प्रदेश नं १ मा ६ सय १४ जना
प्रदेश नं २ मा ३ हजार ४ सय ५७ जना
बाग्मती प्रदेशमा १ हजार ५ सय २४ जना
गण्डकी प्रदेशमा २ सय ४७ जना
प्रदेश नं ५ मा ६ सय ५७ जना
कर्णाली प्रदेशमा २ सय २० जना
सुदूरपश्चिम प्रदेशमा ८ सय ९४ जना

हालसम्म डिस्चार्ज हुनेहरुको संख्या
प्रदेश १ – १०४५
प्रदेश २ – ३४१७
वागमती प्रदेश – ६२५
गण्डकी प्रदेश – १४८७
प्रदेश ५ – ४१९४
कर्णाली प्रदेश – १९०२
सुदुरपश्चिम प्रदेश – ४०५८