- ३२ असार २०८३, बिहीबार / Jul 16, 2026
२३ साउन २०७७ जाजरकोट । पहिरोले विस्थापित भएका बारेकोट गाउँपालिका–४, ५ र ६ का पीडित जंगलभित्र त्रिपालमा सुत्न बाध्य छन् ।
जङ्गलभित्र त्रिपाल टाँगेर बसिरहेका उनीहरु वर्षातको झरीले सास्ती त दिएको छनै, गतिलो बास र खाने अन्न नभएपछि हैरानी खेप्न परेको छ । महिना दिन वितिसक्दा पनि राज्यको तर्फबाट कुनै व्यवस्थापन नहुँदा यहाँ बस्ने जोकाहिको समस्या जटिल बन्दै गएको छ ।
एउटै त्रिपालभित्र १२ जनाको परिवार बस्दा व्यवस्थापनमा समस्या भएको दुर्गा सार्कीले बताइन् । गत असार २५ गते आएको पहिरोले १२ जनाको अकालमा मृत्यु भएको थियो भने टोलका विस्थापित भएका थिए । पानी पर्नेबित्तिकै त्रिपालभित्र बस्न कठिन हुँदा यहाँका एक हजारभन्दा बढी सर्वसाधाण त्रासमा बाँचेका छन् ।
सार्कीटोलका ३२ जनाको परिवार विस्थापित भएका छन् । जङ्गलभरि त्रिपाल राखेका कारण दिनमा काम जाँदा साना–साना बालबालिकालाई जङ्गली जनावर आएर मरिदिने डर र त्रास भएको पीडित बताउछन् । राहतस्वरुप दिएको प्रतिव्यक्ति दुई किलो चामल उहिल्यै सकिएको र अहिले खानेकुराको समस्याले सताईरहेको उनीहरुको भनाई छ ।
