- २९ श्रावण २०८३, शुक्रबार / Aug 14, 2026
६ जेष्ठ २०७७, काठमाडाैं । साँसदले दिएको सुझावको जवाफ दिदै प्रधानमन्त्रीले जनतालाई मुर्ख नठान्न आग्रह गरे । नेपाल एक स्वाधिन राष्ट्र भएकोले नेपाली जनताले स्वाधिनताको रक्षा गर्न चुक्न नहुने बताए ।
सबै राष्ट्रको हैसियत बरावर हुने भएकाले नेपाल सानो राष्ट्र, अविकशित राष्ट्र भनेर हेप्न नपाईने भन्दै नेपालको सम्पूर्ण भूमि फिर्ता लिएरै छाड्ने बताए । हाम्रो भूमि लिनका लागि कोहि रिसाय रिसाओस भन्दै आफ्नो नयाँ नक्सामा नेपालको सबै भूमि समेटिने बताए ।
त्यसैले आफ्नो राष्ट्रको नीति निर्माण बलियो बनाउन लाग्ने बताए । नेपाली जनताले बनाएको सरकार भएकाले जनताको मतको कदर गर्ने भन्दै प्रधानमन्त्री ओलीले कसैको आर्शिवादमा सरकार नबनेको संकेत गरे ।
प्रधानमन्त्री ओलीले संसदमा आक्रोष व्यक्त गर्दै जनादेशको कदर गर्ने बताए । एउटै जुत्ता सबै खुट्टामा नमिल्ने भन्दै १९४० को जुत्ता अहिले आएर नेपालमा लागु गर्न खोज्नु मुर्खता हुने व्यङ्गय गरे ।
नेपालमा कुनै तानाशाहाको जन्म नहुने भन्दै नेपालको माटो सुहाउदो नेपाली जनताको नेतृत्व जन्मिने बताए । एमसीसी अघिल्लो सरकारले वार्ता र सम्झौता गरेको थियो भन्दै यो सरकारले सम्झौता नगरेको बताए ।
सम्झौताको परिपालना र विश्वसनीयता हेरेर समयसापेक्ष र राष्ट्रिय हितलाई हेरेर लागु गर्ने नगर्ने भन्ने विषय छलफल र बहस गरेर गर्न सकिने भन्दै पास गर्ने नगर्ने सदनको कुरा भएको बताए ।
