भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

बजेट अधिवेशन : नीति तथा कार्यक्रम जेठ २ गते, कोरोना परिक्षणपछि मात्रै सांसदलाई प्रवेश दिइने

बजेट अधिवेशन : नीति तथा कार्यक्रम जेठ २ गते, कोरोना परिक्षणपछि मात्रै सांसदलाई प्रवेश दिइने

२५ बैशाख २०७७ काठमाडौं । संघीय संसदको वर्षे अधिवेशन भोलि शुरु हुँदैछ । अधिवेशनको पहिलो दिनको बैठकमा सरकारले जारी गरेको अध्यादेशले खारेज गरेका साविकको ऐनको व्यवस्था जगाउने अध्यादेश टेवल गर्ने कार्यसुची रहेको छ ।

संसद अधिवेशन शुरु हुनुपूर्व सबै संसदहरुको कोरोना परीक्षणका लागि स्वाब संकलन गरिएको छ । कोरोना परीक्षणको नतिजा देखाएपछि मात्रै सांसदहरुलाई प्रवेश दिइनेछ । संघीय संसद सचिवालयका प्रवक्ता डाक्टर रोजनाथ पाण्डेका अनुसार बिहीबार संकलन गरिएका सबै स्वाबको परीक्षण रिपोर्ट शुक्रबारसम्म आइपुग्ने र त्यहि अनुसार सांसदहरुलाई बैठक कक्षमा जान दिइनेछ ।

नीति तथा कार्यक्रम जेठ २ गते

संसद सचिवालयका अनुसार शुक्रबारदेखि बैठक शुरु हुने र २८ र २९ गतेगरी दुई दिन प्रि–बजेट छलफल हुनेछ । सरकारको नीति तथा कार्यक्रम भने जेठ २ गते आउने छ ।

सचिवालयका प्रवक्ता पाण्डेका अनुसार जेठ २ गते बेलुका ४ बजेका लागि राष्ट्रपतिद्वारा दुबै सदनको संयुक्त बैठक आह्वान भइसकेको र त्यसैदिन राष्ट्रपतिले सरकारको नीति तथा कार्यक्रम संसदमा पेश गर्न कार्यसूची रहेको छ ।

संवैधानिक व्यवस्थाअनुसार जेठ १५ गते आगामी आर्थिक वर्षको बजेट पेश गर्नुपर्ने भएका कारण सरकारले नियमित रुपमै बजेट पेश गर्ने संघीय संसद सचिवालयले जनाएको छ ।

 


Thali Mobile Pvt.Ltd.