भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

लगानी कम श्रमदान बढीः छेपाडीमा सामुदायिक भवनको सामाजिक लेखापरिक्षण सम्पन्न

लगानी कम श्रमदान बढीः छेपाडीमा सामुदायिक भवनको सामाजिक लेखापरिक्षण सम्पन्न

छेपाडी, माघ २६ । समुदायलाई उत्तरदायी, पारदर्शी तथा समाज प्रति चासोका साथै सम्वेदनशील र जवाफदेहीबनाउदै आठबीस नगरपालिका वडा नं. ९ देलेको छेपाडीमा सामुदायिक भवनको सामाजिक लेखापरिक्षण कार्यक्रम सम्पन्न भएको छ । सामुदायिक भवन व्यवस्थापन तथा सोलार खरिद योजना ०७५, ०७६ को सार्वजनिक लेखापरिण गरिएको हो ।

सस्थामा आवद्ध कार्यसमिति कर्मचारी, सामुदायिक संस्थाका प्रतिनिधि, सम्पुर्ण सरोकारवालाहरु राजनीतिक दलका प्रतिनिधि सरकारी तथा गैरसरकारी संस्थाका प्रतिनिधि, बिभिन्न संचार माध्यामका प्रतिनिधिको उपस्थिति रहेको रहेको सो कार्यक्रममा बजेट कम र समुदायले लगानी धेरै गरेको जानकारी दिईएको छ ।

जम्मा ३लाख ९२ हजार ८ सय ७९ बजेटमा ४ लाख ७५ हजार खर्च भएको भन्दै सस्थाका अध्यक्षले अतिरक्त रकम समुदायको दायित्व भएकाले विकल्प खोज्नु पर्ने प्रष्ट पारे। नीति, नियम, कार्यक्रम कार्यान्वयन, व्यवहार, श्रोत परिचालन, कार्यान्वयन प्रकृया, पारदर्शिता र प्रभावकारीताबारे सम्बन्धित सेवाग्राही, सेवाप्रदायक तथा सो क्षेत्रका सरोकारवालाले सुझाव समेत दिएको सो कार्यक्रमबाट जवाफदेहीता, पारदर्शिता तथा उत्तरदायित्व बहनको विषय यो कार्यक्रमबाट सबैले सिक्नु पर्ने धारण राखेका थिए ।

शनिवार भव्यताका साथ सम्पन्न सो कार्यक्रममा नेपाल मजदुर किसान पार्टीका केन्द्रीय सदस्य बजिरसिंह विश्वकर्माले लोकतन्त्रमा जिम्मेवारीता र पारदर्शिताले नै जनताको सेवा गर्न हौसला दिने बताए । जनताको हितमा काम गर्न सचेत नागरिकलाई आग्रह गर्दै विश्वकर्माले मिलेनियम च्यालेन्ज कर्पोरेशनबाट अथाह घुस खाएकाहरुले नेपालको सार्वभौम सत्तामाथि धावा बोलिरहेको र राष्टघात गर्न शासकहरु उद्धत भएको बताए ।

सवै नागरिक यसबाट सचेत रहनु पर्ने भन्दै उनले ठूला राजनैतिक दलका नेतृत्वबाट जनताले पटक पटक धोका खाएको तर्क गरे । कार्यक्रममा वडा न. ९ का सचिव हेमन्त शाहीले सस्थाको पारदर्शि व्यवहारबाट समग्र नगरपालिकाले पाठ सिक्नु पर्ने बताए । त्यस्तै पशुपति मावि छेपाडीका प्र.अ. दलबहादुर सिजापतिले सामाजिक सस्थामा कार्यरत हरेक व्यक्तिले समाजप्रति जिम्मेवार रहनु पर्ने वताए ।

सार्वजनिक कार्यक्रममा नेक्राकिसंघ जिल्ला समिति दैलेखका उपाध्यक्ष रतन बहादुर कठायत, नेक्राविसंघका पार्वती कुमारी सिजापति, नेमकिपा ७ का सदस्य रण बहादुर कठायतले मन्तव्य व्यक्त गरेका थिए । सामुदायिक भवन व्यवस्थापन समितिका अध्यक्ष डा.कृपाराम विश्वकर्माले सस्थाको आय व्यय प्रस्तुत गरेको सो कार्यक्रमको सहजीकरण शिक्षक टेक बहादुर सिजापतिले गरेका थिए ।

 


Thali Mobile Pvt.Ltd.