- २२ श्रावण २०८३, शुक्रबार / Aug 7, 2026
२७ साउन २०७७ धनगढी । भारतबाट फर्किएकाहरुलाई लगेरधनगढीबाट छुटेको बस डोटीमा दुर्घटना भएको छ।कैलालीको त्रिनगर भन्सार नाकाबाट फर्किएकालाई लगेर गएको ना ६ ख २५२९ नम्बरको बस पूर्वीचौकी गाउँपालिका १ फुलोटमा दुर्घटना भएको प्रहरीले जानकारी दिएको छ । अछामका लागि छुटेको बस डोटीमा दुर्घटनामा परेको प्रदेश ट्राफिक प्रहरी कार्यालय अत्तरियाले जनाएको छ ।
तीन जनाको मृत्यु, २९ घाईते, सातकाे अवस्था गम्भिर
बस दुर्घटनामा तीन जनाको मृत्यु भएको विवरण प्राप्त भएको छ । प्रदेश ट्राफिक प्रहरी कार्यालय अत्तरियाका प्रमुख ट्राफिक प्रहरी उपरिक्षक लोकेन्द्रबहादुर श्रेष्ठले दुर्घटनामा परी तीन जनाको घटना स्थलमै मृत्यु र २९ जना घाईते भएको बताए ।
७ जनाको अवस्था भने गम्भीर छ । बस आज बिहान दुर्घटनामा परेको हो । बस सडकबाट करिब ५० मिटर तल खसेको छ। दुर्घटनाको कारण खुलेको छैन्।
