अनिवार्य हाजिर हुन शिक्षकलाई निर्देशन

४ साउन २०७७ काठमाडौं । राज्यकोषबाट तलब सुविधा खाने शिक्षकलाई साउन दोस्रो सातासम्म विद्यालयमा अनिवार्य हाजिर हुनुपर्ने भएको छ । विद्यालय खुल्ने र शिक्षक विद्यार्थीको प्रत्यक्ष साक्षात्कारमा पठनपाठन हुने वातावरण नरहे पनि सबै शिक्षक विद्यालयमा हाजिर हुनैपर्ने सरकारले निर्देशन दिएको हो ।

सार्वजनिक विद्यालयमा अनलाइन कक्षा सञ्चालन हुन नसकेको तथा शिक्षकसमेत विद्यालयमा नपुगेको गुनासो आएपछि मन्त्रालयले यस्तो निर्णय गरेको हो  ।

एक लाख ७५ हजारभन्दा बढी शिक्षकले सरकारी सुविधा लिएको तर शिक्षक विद्यालयमा उपस्थितसमेत हुन नसकेकोले बाध्य भएर नीतिगत निर्णय लिएको मन्त्रालयले जनाएको छ ।