- २७ असार २०८३, शनिबार / Jul 11, 2026
काठमाडौं ।अष्ट्रेलिया पठाउँछु भन्दै ६ लाख ठगी गर्ने एक महिला पक्राउ पछि जेल चलान भएकी छन् । वैदेशिक रोजगारीमा पठाउने नाममा ठगी गर्ने अर्घाखाँची जिल्लाको साविक बाँगी–८ घर भइ काठमाडौं बस्दै आएकी बसन्ता आचार्य जेल चलान भएकी हुन् ।
वैदेशिक रोजगार न्यायधिकरणको फैसलाले १ वर्ष ६ महिनाका लागि जेल परेकी उनी गत असार देखि फरार रहेकी थिइन् । नेपाल प्रहरीको केन्द्रिय अनुसन्धान ब्यूरो (सिआइबी) को टोलीले शुक्रबार काठमाडौंको केएल टावरबाट नियन्त्रणमा लिएकाे थियो । २०६९ कार्तिक १० गते ६ लाख लिएर अष्ट्रेलिया नपठाएपछि गुल्मीको धुर्कोट गाउँपालिका–२ पिपलधाराका हरी थापाले उनी बिरूद्ध २०७२ सालमा मुद्दा दायर गरेका थियो ।
न्यायधिकरणले १ वर्ष ६ महिना कैद र १ लाख ५० हजार जरिवानाको फैसला गरेको थियो ।आचार्यले बैदेशिक रोजगार ऐन २०६४ दफा १० र ४३ बमोजिम कसुर गरेकोले विगो ६ लाख र विगोको ५० प्रतिशत हर्जना ३ लाख गरी रु ९ लाख वादीलाई भर्नुपर्ने समेत न्यायधिकरणको फैसलामा उल्लेख गरिएको छ । फैसलापछि फरार रहेकी उनलाई एक युट्युव च्यानलकाे कार्यालयबाट नियन्त्रणमा लिइएको हो ।
