सागमा नेपालले जित्याे १०० औं स्वर्ण

काठमाडौं । ३५ वर्ष लामो इतिहास बोकेको दक्षिण एसियाली खेलकुद प्रतियोगिता (साग) मा नेपालले १०० स्वर्ण जितेको छ । सागमा आफ्नो पहिलो र देशको १०० औं स्वर्ण जित्ने सौभाग्य तेक्वान्दोका खेलाडी सक्षम कार्कीलाई  साैभाग्य जुरेकाे हो ।

आज सातदोबाटोमा भएको खेलमा ८७ केजी तौल समूहमा प्रतिस्पर्धा गरेका कार्कीले पाकिस्तानी खेलाडी वाकर अली शाहलाई २७–९ को स्कोरमा हराएका हुन् ।

स्वर्ण सहित देशको झण्डा फर्फराउन पाउँदा खुसीको सीमा नरहेको भन्दै साथीहरु राम्रो खेल्दाखेल्दै पनि स्वर्णमा चुकेपछि आफूले केही गरौं जस्तो भएको सुुनाए । सागको इतिहासमा नेपालाई १००औं स्वर्ण मिलेपछि खेलाडीले भाग्यमानी ठानीरहेका छन् ।