'अमेरिकामा राष्ट्रिय आपतकाल घोषणा'

काठमाडौं । कोरोना भाइरसको संक्रमण रोकथामका लागि अमेरिकामा राष्ट्रिय आपतकाल घोषणा गरिएको छ ।

राष्ट्रपति ट्रम्पले पत्रकार सम्मेलन गरी राष्ट्रिय आपतकाल घोषणा गरेका हुन् । संकटकाल घोषणासँगै विपतको आकलन सहित अमेरिकाले ५० अर्ब डलर खर्चको कोष बनाएको छ ।

अनावश्यक रुपमा घर बाहिर ननिस्किन र जमघट नगर्न सुझाव दिएका राष्ट्रपति ट्रम्पले एक महिनासम्मका लागि उडान पनि बन्द गरेको बताएका छन् ।

विश्वव्यापी रुपमा फैलिरहेको कोरोना भाइरस (कोभिड–१९)को संक्रमणका कारण विश्वभर मृत्यु ५ हजार ४ सय ३६ जनाको मृत्यू भईसकेको छ। चीनपछि सबैभन्दा बढी इटालीमा कोरोनाको प्रकोप देखिएको छ । एजेन्सी