उत्तर कोरियामा संकटकाल घाेषणा

११ साउन २०७७ उत्तर कोरिया । कोरोना नियन्त्रणका लागि देशभर संकटकाल घोषणा गरिएको छ । कोरोना भाइरसबाट सङ्क्रमित भेटिएपछि फैलिने डरले लकडाउनसहितको संकटकाल घोषणा गरिएको उत्तर कोरियाले जनाएको छ ।

राज्यद्वारा सञ्चालित सञ्चार माध्यमका अनुसार सिमानामा पर्ने काएसोङ सहरमा पहिलो कोरोना सङ्क्रमित भेटिएकोले संकटकाल लगाउनुपरेको छ । सर्वोच्च नेता किम जोङ उनले शनिबार पोलिटब्युरो बैठकमार्फत संकटकाल लगाउँदै उच्च सतर्कता अपनाउनुपर्ने निर्णय गराएका हुन् । भाइरसलाई परास्त पार्न उच्चतम आपतकालीन प्रणाली लागु गर्न नेता किमले यस्तो आदेश दिएका हुन् ।