नवराज हत्या प्रकरणका अपराधीलाई कडा कारबाही हुन्छ : मुख्यमन्त्री शाही (भिडियाे सहित)

नवराज हत्या प्रकरणका अपराधीलाई कडा कारबाही हुन्छ : मुख्यमन्त्री शाही (भिडियाे सहित) image

१४ जेष्ठ २०७७ काठमाडौं । अन्तर्जातीय विवाहका कारण दलितलाई हत्या गरिएका सबै घटनाको छानबिन गर्नुपर्ने माग चौतर्फी उठिरहेको छ । यस्ता जघन्य अपराधका घटनाको विस्तृत छानबिनका लागि उच्चस्तरीय नागरिक छानबिन आयोग गठन गर्नुपर्ने संसदमा माग पनि उठेको छ ।

रुकुमको चौरजहारी नगरपालिका– ८ मा अन्तर्रजातीय प्रेमकै कारण भएको हिंसात्मक घटनापछि जात प्रमुख बनेको छ । दलित भएकै कारण नवराज लगायत ४ जनाको हत्या गरेर नदिमा फालिएको र अन्य वेपत्ता पारिएको भन्दै प्राध्यापक, लेखक, पत्रकार, कलाकारलगायत एक सय ३५ जना सामाजिक अभियन्ताले जातीय विभेदका सबै घटनाको छानबिन गर्न उच्चस्तरीय नागरिक छानबिन आयोग गठनको माग समेत गरेका छन् ।

यसैबीच कर्णाली प्रदेशका मुख्यमन्त्री महेन्द्र बहादुर शाहीले रुकुम र जाजरकोटमा घटेको मानवकलंकित घटनामा जात बाधक बनाएर गरिएको घटनाका अपराधी उम्किन नपाउने बताएका छन् । राष्ट्र छुवाछुत मुक्त भएको छ तर, जातिय आधारमा मानिसको हत्या गरिनु र्बबरता तिर धकेलिएको अवस्था भन्दै रुकुम घटनाको निन्दा गरे ।

यो घटनामा संलग्न दोषीलाई कानूनि कठघरामा उभ्याउने र कडा कारवाही गरिने मुख्यमन्त्री शाहीले बताए । कैलाश खबरसंग कुरा गर्दै उनले मानिस एक जाति र पशु अर्को जाति हो भन्दै उनले महिला र पुरुष दुई जात भएको बताए । महिला र पुरुष बाहेक अर्को जात नभएको उनको भनाई छ ।

यो गम्भिर घटनामा संलग्न अपराधिलाई कानूनतह कडा कारबाही गरिने भन्दै शाहीले कानून भन्दा माथि कोहि नभएकाले कानूनत कारबाही हुनेमा विश्वस्त पारे । मानव कलंकको रुपमा जातिय दम्भका आधारमा भएका यस्ता जघन्य अपराधमा संलग्न जो कोहि उम्किन नपाउने उनको भनाई छ ।

हेर्नुहोस भिडियो…


जाजरकोटका नवराज विकले रुकुम चौरजहारी नगरपालिका सोतीकी युवती सुस्मा मल्लसंग ३ वर्ष सम्म प्रेम गरे । प्रेमलाई विवाहमा परिणत गर्ने भनेर ३ वर्ष पहिले प्रशासनमा पुगेका नवराज र सुस्मालाई उमेर नपुगेको भन्दै फर्काइन्छ ।

३ वर्ष पछि गत जेठ १० गते सुस्मा मल्लले नवराजलाई फोन गरेर मलाई अन्तै विवाह गर्न लागेका छन् त्यसैले लिन आउ भनेर बोलाइन । सुस्मालाई लिन जाजरकोटबाट आफ्ना साथीहरुलाई लिएर नवराज गए । तर उनको गाँउमा पुगेपछि कामी भन्दै गाउँलेले लखेटेर ४ जनाको हत्या गरे वाँकी वेपत्ता पारेको यो घटनाको चौतर्फी विरोध, निन्दा र न्यायको माग गरिएको छ ।

लखेटी लखेटी ढुंगामुढा प्रहर गरी, बालुवा कोचाएर, चार जनाको हत्या गरि सव भेरी नदिमा फालेको घटनामा संलग्न दोषीलाई कारबाहीको दायरामा ल्याउन देशैभर विरोध प्रदशन भएको छ । हत्याकाण्डको स्वतन्त्र र निष्पक्ष छानबिनका लागि दलित सांसदको नेतृत्वमा संसदीय छानबिन समिति गठन गर्नुपर्ने बताएका छन् ।

दलितमाथि भएका अत्याचार, हत्या र अपराधका घटनामा राज्यशक्ति, राजनीतिक दल र कथित उपल्ला जातिको षड्यन्त्र र दबाबका कारण पीडितले न्याय नपाउने अवस्था रहँदै आएको भन्दै उनीहरुले कुनै पनि राजनीतिक दबाब र प्रभावमा पार्ने काम बन्द गर्न माग गरेका छन् ।

रुकुम घटनामा जाजरकोटको भेरी नगरपालिका– ४ का नवराज विकसहित टीकाराम नेपालीस गणेश बुढा र लोकेन्द्र सुनारको ज्यान गएको र अन्य अझै बेपत्ता पारिएको भन्दै त्यस नरसंहारका पीडितको न्याय र पीडकलाई हदैसम्मको कारबाहीका लागि देशैभरबाट माग गरिएको छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

  • प्रचण्डलाई माधव नेपालको विश्वासको मत image

    प्रचण्डलाई माधव नेपालको विश्वासको मत

    काठमाडौं। एकीकृत समाजवादीका अध्यक्ष माधव कुमार नेपालले प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिने बताएका छन् । आज पेशागत महासंघ नेपालको २९औं स्थापना दिवसको अवसरमा आयोजित कार्यक्रमलाई सम्बोधन...

  • गृहमन्त्रीलाई आजको संसदमा बोल्न दिने विपक्षी दलको निर्णय image

    गृहमन्त्रीलाई आजको संसदमा बोल्न दिने विपक्षी दलको निर्णय

    काठमाडौं । उपप्रधानमन्त्री एवं गृहमन्त्री रवि लामिछानेलाई आजको संसदमा बोल्न दिने विपक्षी दलको बैठकले निर्णय गरेको छ । नेपाली कांग्रेसका सभापति शेरबहादुर देउवाले बोलाएको विपक्षी दलहरुको साझा बैठकले गृहमन्त्रीको...

  • संसद् बैठकअघि प्रतिपक्षी दलसँग कांग्रेसको छलफल image

    संसद् बैठकअघि प्रतिपक्षी दलसँग कांग्रेसको छलफल

    काठमाडौंको नयाँ बानेश्वरमा विपक्षी दलहरूको बैठक बसेको छ। नेपाली कांग्रेसका सभापति शेरबहादुर देउवाले संसदमा प्रतिपक्षी दलहरूको बैठक बोलाएका छन्। बैठक केहीबेरमा बस्नेगरी संसद् भवनमा बोलाइएको हो। आइतबार बस्ने प्रतिनिधि...

  • आम्दानीको स्रोत बन्दै फोहोर image

    आम्दानीको स्रोत बन्दै फोहोर

    काठमाडौं । धनगढी उपमहानगरले वर्गीकरण गरेर फोहोर बिक्री गर्न थालेको छ । फोहोरबाट उत्पादन भएको ग्यास सिलिन्डरमा भरेर बजार पठाउने तयारी गरेको छ । पुनः प्रयोग गर्न नसकिने फोहोरका लागि मात्र...


hotelghyampedanda