नेपालमा कोरोना संक्रमितको संख्या १४ पुग्यो

काठमाण्डौ । रौतहटमा एक जना कोरोना सङ्क्रमित भेटिएपछि नेपालमा कोरोना संक्रमितको संख्या १४ पुगेको छ । स्वास्थ्य मन्त्रालयले आज मात्रै दुई जनामा कोरोनाको संक्रमण पुष्टि भएको जनाएको छ । रौतहटका १९ वर्षिय एक युवक र कैलालीका ६० वर्षीया महिलामा कोरोना पुष्टि भएपछि संक्रमितको संख्या १४ पुगेको हो ।

नेपालमा कोरोना संक्रमित एकजना उपचारपछि निको भएर घर फर्किसकेका छन भने सेती प्रादेशिक अस्पताल धनगढीमा पाँचजना, नारायणी अस्पताल वीरगन्जमा तीनजना तथा शुक्रराज ट्रपिकसल तथा सरुवा रोग अस्पताल टेकु र बाग्लुङमा दुई दुई जनाको उपचार भईरहेको छ ।