नेपाली पश्मिना र गलैँचाको भारतले नक्कल गरेर बेच्यो : प्रदिप श्रेष्ठ

नेपाली पश्मिना र गलैँचाको भारतले नक्कल गरेर बेच्यो : प्रदिप श्रेष्ठ image

नेपालमा उत्पादित वस्तुको बजारीकरण कस्तो छ ? सरकारले ल्याएको कर नीतिसंग के भन्छन् उद्योगी व्यवसायी ? यी र यस्तै विषयमा केन्द्रीत भएर हामीले भक्तपुर उद्योग बाणिज्य संघका अध्यक्ष प्रदिप श्रेष्ठसंग कुराकानी गरेका छौं । 

यहाँलाई स्वागत छ ।
धन्यवाद

उवासंघ भक्तपुरको अध्यक्षमा निर्वा्चित हुदा कस्तो महशुस गर्नु भएको छ ?
राम्रै महशुस गरिरहेको छु ।

विगतलाई कसरी सम्झनु हुन्छ ?
म विगत २०५६ देखि कार्यसमिति सदस्य भएर काम गरेको मान्छे हो । कृष्ण प्रसाद ताम्राकार दाईको दोस्रो कार्यकातबाट काम गर्ने अवसर पाए । २० वर्ष पछि म भक्तपुर उद्योग बाणिज्य संघको अध्यक्षको जिम्मेवारीमा आए ।

जिम्मेवारीमा आईसके पछि विगतलाई हेरेर भविष्यका लागि सस्थालाई कसरी अगाडि बढाउन सकिन्छ ? यस विषयमा खोजिनीति गर्दै सदस्यका समस्या, संघका समस्या केलाएर अघि बढ्ने कुरालाई ध्यान दिएको छ । सस्था सफल बनाउने सबैको जिम्मेवारी बराबरी हुन्छ ।

निर्वाचित भएको कति भयो ?
वरिष्ठ उपाध्यक्ष भएको व्यक्ति सोत अध्यक्षमा जाने विधानमा भएको व्यवस्था अनुसार २०७६ पुस १८ मा भएको साधारणसभाबाट म अध्यक्षमा निर्वा्चित भए । वरिष्ठ उपाध्यक्षको चुनाव हुन्छ । म उपाध्यक्षमा निर्विरोध निर्वा्चित भएको थिए ।

अहिले कस्तो छ अवस्था ?
हाम्रो पूर्व अध्यक्ष सदस्यहरुको पनि सहयोग निरन्तर भैरहेकाले पनि सस्था राम्रैसंग अघि बढिरहेको छ । अवस्था रामै्र छ । व्यवसाय संचालनमा सहजता ल्याउनमा ऋिण लगानी गर्न सछम भएका छौं । उवासंघमा आवद्ध सदस्यहरुलाई सजिलो होला भनेर नयाँ काम गरेका छौं ।

तपाइृको कार्यकालमा के के गर्ने प्लानमा हुनुहुन्छ ?
भरखरै भएको नबिल बैंकसंग एमओयु गर्न सफल भएका छौं । भक्तपुर जील्लाको उद्योग तथा व्यवसाय प्रवर्धनका लागि विशेष खालको काम गरेका छौं । नबिल बैंकका प्रमुख कार्यकारी अधिकृत अनिल केशरी शाह ज्यूसंग भएको छलफल सकारात्मक भयो ।

बैंक र संघका सदस्यहरुलाई, व्यवसाय प्रवर्धन तथा बैकिङ्ग सेवा सुलभ तवरवाट उपलब्ध गराउने सम्बन्धी सम्झौता समेत गरेका छौं । उद्योग क्षेत्रलाई संरक्षण र उन्नतीको लागि नबिल बैंक तत्पर भएकोमा धन्यवाद पनि दिनचाहन्छु । व्यवसाय र उद्योग क्षेत्रको विकासका लागि भएको यस्ता कार्यबाट उद्योग वाणिज्य क्षेत्रमा आवद्ध भएका व्यवसायहरुलाई लाभ हुने विश्वास हामीले लिएका छौं ।

व्यवसाय र उद्योग क्षेत्रको प्रवर्धनान बैंकको साथ पाउदा निकै खुशी पनि लागेको छ । अरुलाई दिएको व्याज भन्दा सस्तोमा व्याज दरमा ऋिण लगानी गर्ने र व्यवसाय पनि गर्न सजिलो हुने भएकाले सदस्य पनि खेसी हुने कार्यक्रम सम्पन्न ग¥यौं ।

अबको योजना के छ ?
संघमा आवद्ध भएका नयाँ कार्यसमितिका साथिहरुलाई संघ व्यवस्थापन र सहजिकरण वारे हक हितका लागि नयाँ प्लान बनाउदै छौं । दुई वर्षमा के के गर्ने भनेर छलफल पनि गरेको छु । संघ र सदस्यलाई कसरी अगाडि बढाउने भन्ने प्लान तयार गर्दैछौं । प्लानिङ्ग वर्कशप चैत्र भित्रै गर्ने तयारीमा छु ।

व्यक्तिगत रुपमा भन्दा ?
उवासंघ भनेकै व्यवसायलाई पर्वद्धन कसरी गर्न सकिन्छ ? सदस्यको आर्थिक सवलिकरण कसरी हुन्छ ? सस्थालाई कसरी अगाडि बढाउने त्यतातिर ध्यान दिएर कच्चा पदार्थ नेपालमै कसरी बनाउन सकिन्छ ? खोजिनिति गर्दैछु । भारत र चीनबाट कच्चा पदार्थ ल्याउदा महङ्गो पर्न जान्छ । नीजिक्षेत्रका बैंकको चर्र्कोव्याजदरले उधमी व्यवसायी धेरै मर्कामा परेका छन् ।

समस्या के के छन् ?
पहिलो कुरा आर्थिक समस्या उद्योग व्यवसाय चलाउदा व्याज लिनु पर्ने हुन्छ । त्यो चर्को व्याजदर छ । अर्को कच्चा पदार्थ बाहिरबाट ल्याउनु पर्दा सहज छैन । सरकारले ल्याएको कर नीतिले पनि समस्या भैरहेको छ । उद्यमी व्यवसायीलाई सहजता प्रदान र हक हितका लागि महासंघमार्फत अर्थ मन्त्रालयसंग छलफल भएको छ । पाँच जनाको कमिटि बन्यो तर टुगो लागेको छैन ?

खास समस्या के हो ?
खास समस्या भनेको भिसिटिएस ट्याक्स हो । भाडामा एक ठाँउबाट अर्को ठाँउमा सामान ढुवानी गर्दा भ्याट लगाएको छ । अनलाईन बिलिङ्ग गाउँ गाउँमा कसरी गर्न सकिन्छ ? गाउँघरमा नेट नै छैन ? नेटको सेवा भएको ठाँउमा पनि स्लो छ । सामाजिक सुरक्षाकोष अर्को समस्या हो । ठूला ठूला व्यवसायीलाई त सहजै छ । तर साना साना व्यवसायीलाई कठीन छ । बेसिक स्यालरीबाट २० प्रतिशत उद्योग संचालक व्यवसायीले हाल्नु पर्ने ११ प्रतिशत कामदारले हाल्नु पर्ने । ३१ प्रतिशत भयो सामान्य झाडु लाउने कर्मचारीको पनि यसकारण तलब धेरै दिनु पर्ने हुन्छ ।

तपाईहरुको माग के हो ?
व्यवसायीले तिर्न सक्ने किसिमको कर नीति ल्याउनु पर्यो । कर नीतिमा सुधार ल्याउनु पर्यो भन्ने माग हो । नीति विस्तारै लागु गर्नेमा अगाडि बढाउनु पर्छ ।

भक्तपुरमा उत्पादन हुने मुख्य सामाग्री के छन् ?
सब भन्दा बढी ह्याण्डीक्राप्ट, थांकाक्राप्ट, हाते बुनाईका सामाग्री बढी छन् । चिउरा, चामलको उत्पादन पनि बढी छन् । यी उत्पादित सामाग्रीको पर्वद्धनका लागि हामीले के सहयोग नर्गुपर्छ पूर्ण सहयोग गर्न तयार छौं । मेला महोत्सव पनि गरेर प्रचार प्रसार पनि गर्दछौं । अहिले कोरोना भाइरसले गर्दा समस्या भयो ।

बजारको समस्या छ कि छैन ?
उत्पादित सामाग्री नेपालमा मात्रै होइन, बाहिरी मुलुकमा बढी जान्छ । कर समस्या त्यहि हो । कच्चा पदार्थ पनि बाहिरबाट ल्याउनु पर्ने भएकाले समस्या छ । नेपालमा उत्पादन पश्मिना, गलैचा भारतमा लगेर उसले नक्कली बनाउन थाल्यो । भारतले नेपाली उच्च क्वालिटिका गलैंचा र पश्मिनालाई मेड इन इंडियाको स्टिकर टाँसेर महंगाेमा विदेशमा बेच्छ । यसै कारण अन्तराष्ट्रिय बजारमा नेपाली उत्पादनको माग विस्तारै घट्दै छ । उद्योगी व्यवसायी सचेत बन्न जरुरी छ । 

अन्तमा उद्योगी व्यवसायीलाई के भन्नु हुन्छ ?
अबको यो समयमा भक्तपुरमा उत्पादन सामाग्रीको अनुगमन गर्दैछौं । के के छन् त भक्तपुरमा उत्पादन हुने सामाग्री ? भक्तपुर मात्रै नभएर नेपाल भरीका उद्योगी व्यवसायीको समस्यालाई उजागर गरेर समाधानको बाटोमा लाग्नु पर्छ । ह्याण्डीक्राप्ट र उडनक्राप्ट उत्पादनमा भएको समस्यालाई केलाएर समाधानका लागि सदस्य बोलाएर छलफल पनि गर्दैछौं ।

तपाईको कार्यकाल सफल रहोस ।
धन्यवाद । मेरो विचारलाई मिडियामा ल्याउन सहयोग गरेकोमा कैलाश खबरलाई विशेष धन्यवाद ।

भिडियाे हेर्न तल क्लिक गर्नुहाेस् ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda