बम विस्फोट गराउनेको पहिचान खुल्यो

काठमाडौं । गोकुल बाँस्कोटाको घरमा बम विस्फोट गराउनेको तीन जनाको पहिचान खुलाइएको छ । बम विष्फोट आरोपमा पक्राउ परेका कैलालीका लक्ष्मण सेठी, अमृत कुमाल र कालिकोटका टेक लोहार (भिसेक गिरी) रहेका महानगरीय अपराध महाशाखाका प्रमुख एसएसपी सहकुल थापाले जानकारी दिए।

फागुन २८ गते पूर्व सूचना तथा सञ्चार प्रविधिमन्त्री बाँस्कोटाको घरमा बम विस्फोट भएपछि काठमाडौको विभिन्न स्थानबाट प्रहरीले पक्राउ गरेको थियो । विस्फोट भएकै दिन संलग्न भएको आरोपमा प्रहरीले विप्लव नेकपा भक्तपुर जिल्ला सदस्य देवी बहादुर गुरुङलाई पक्राउ गरेको थियो ।

विप्लव नेकपाले सेक्युरिटी प्रिन्टिङ प्रेस खरिदमा घोटलामा संलग्न भएको कारणले घरमा बम हान्नु परेको भन्दै भक्तपुरको जडिबुटीस्थित नवनिर्मित घरमा प्रेसर कुकर बम बिस्फोट गराएको जनाएको थियो ।