- २५ श्रावण २०८३, सोमबार / Aug 10, 2026
४ साउन २०७७ रोल्पा । साउदीबाट गाउँ पुगेका रोल्पा नगरपालिका–४ गुरुङगाउँका २५ वर्षीय एक पुरुष रिपोर्ट नआउँदै क्वरेण्टीनबाट निस्केर गाउँ डुलेपछि समुदायमा कोरोना फैलिएको आशंकामा गाउँ सिल गरिएको छ । गाउँभरी डुलेपछि उनको रिपोर्ट पोजेटिभ आउदा रोल्पा नपा–४ गुरुङगाउँसहित १० नम्बर वडाका तीन वटा गाउँलाई सिल गरिएको हो ।
ती पुरुषमा कोरोना पुष्टि भएपछि उनको कण्ट्रयाक ट्रेसिङका लागि गाउँ नै सिल गर्नु परेको बताइएको छ । रोल्पा सदरमुकाम लिबाङ बजार पनि पूर्ण रुपमा आवतजावत बन्द गर्ने निर्णय गरिएको जिल्ला प्रशासन कार्यालय राेल्पाले जनाएको छ ।
स्थानीय सरकारको लापरबाहीका कारण गाउँले भयावह स्थिति भोग्नु पर्ने अवस्था आएको स्वास्थ्य कार्यालय रोल्पाका प्रमुख अनिल केसीले बताए । सिल गरेर मात्र नहुने भन्दै ती व्यक्तिको सम्पर्कमा आएका सबैको स्वाब संकलन गरी तत्काल पीसीआर गर्नुपर्ने केसीको भनाइ छ ।
