भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

क्वारेन्टाइनमा खटिएका स्वास्थ्यकर्मीमाथि ढुंगामुढा प्रहार

क्वारेन्टाइनमा खटिएका स्वास्थ्यकर्मीमाथि ढुंगामुढा प्रहार

१८ जेष्ठ २०७७, रौतहट । स्वास्थकर्मीमाथि ढुंगामुढा प्रहार गर्नेमाथि कारवाही नगरिए रौतहट क्वारेन्टाइनमा खटिएका स्वास्थकर्मी काम छोडेर आन्दोलित हुदै उपचार ठप्प पार्ने चेतावनी दिएका छन् ।

भारतीय सीमा जोडिएको रौतहटको ईशनाथ नगरक्षेत्रमा रहेको क्वारेन्टाइनमा खटिएका स्वास्थकर्मी आन्दोलित भएका हुन् । तीन दिन अघि स्थानीय दुई जनालाई कोरोना संक्रमण पुष्टि भएपछि संक्रमितलाई गाउँकै एक मदरसामा राखेर उपचार गर्नुपर्ने माग गर्दै केही स्थानीयले सुरक्षाकर्मीसँगै स्वास्थकर्मी माथि ढुुंगामुढा गरेका थिए ।

ईशनाथ नगरपालिका वडा ६ जोकहागाँउमा भएको उक्त घटनामा आफनो ज्यान थाती राखेर बिरामीको सेवा गर्दा गर्दै आफुुहरु सुरक्षित नरहेको भन्दै नगर स्वास्थ्य संयोजक ईशराजुुल खानले आन्दोलनमा उत्रेको जानकारी दिएका छन् ।

दोषीलाई प्रशासनले कार्वाही नगरे, आन्दोलनको बेवास्ता गरे, सामुहिक रुपमै नगरभरका सबैजना स्वास्थकर्मी क्वारेन्टाइनमा काम नगर्ने भन्दै खानले चेतावनी दिए । दोषीलाई कारवाहीका साथै सबै स्वास्थकर्मीको सुरक्षाको जिम्मा स्थानीय प्रशासनले लिनुुपर्ने माग पनि रहेको संयोजक खानले बताएका छन् ।

यता, जिल्ला सुरक्षा समितिका संयोजक रौतहटका सिडिओ बाशुदेव घिमिरेले स्वास्थकर्मीमाथि ढुुंगामुढा गर्नेलाई कार्वाही गर्न पहल भइरहेको र स्वास्थकर्मीको सुरक्षाको जिम्मा पनि लिने प्रतिबद्धता जनाएका छन् ।

 


Thali Mobile Pvt.Ltd.