- १६ जेष्ठ २०८३, शनिबार / May 30, 2026
६ साउन २०७७ बैतडी । बैतडीमा उपभोक्ता समितिले उधारोमा सडक निर्माण गरेको छन । दसरथचन्द नगरपालिकाका वडामा उपभोक्ताले उधारोमा निर्माण गरेका हुन ।
सडक निर्माण गरेको दुई आर्थिक वर्ष बितिसक्दा नगरपालिकाले भुक्तानी नगरेको उपभोक्ताले गुनासो गरेका हुन ।
मौखिक आदेशमा नगरपालिकाभित्रका वडाका उपभोक्ता समितिले पैसा पछि भुक्तानी पाउने गरी सडक निर्माणको काम गरेका थिए । आर्थिक वर्ष २०७४ र ७५ देखि निर्माण भएका सडकको भुक्तानी अझै नदिएपछि उपभोक्ता समिति मारमा परेका छन् ।
भुक्तानी नपाउँदा अहिले स्काभेटर मालिकले पनि उपभोक्ता समिति अध्यक्षलाई बारम्बार दबाब दिँदै आएको दसरथचन्द नगरपालिका–९ सडक उपभोक्ता समितिको गुनासो रहेको छ । उपभोक्ता समितिले स्काभेटर पनि उधारोमै प्रयोग गरेको थियो ।
