नेपाललाइ चीनकाे साथ छ : चिनिया राजदूत

कोभिड–१९ विरुद्धको लडाईं नेपालले सजिलै जित्ने विश्वास व्यक्त गर्दै नेपालका लागि चिनिया राजदूत हाउ यान्छीले चीनकाे साथ रहेकाे बताएकी छन् । एक टेलिभिजन च्यानलसँगको अन्तर्वार्तामा राजदूत हाउ यान्छीले यस्ताे बताएकी हुन् ।

नेपाललाई महामारी विरुद्धको लडाईंका लागि आवश्यक पर्ने सवै प्रकारको सहयोग गर्दै अाएकाे र याे निकाे नहुँदा सम्म सहयाेग गर्ने प्रतिवद्धता समेत जनाएकी छन् । राजदूत यान्छीले चीनले नेपाल लगायत दक्षिण एशियाली देशलाई समेत सहयोग गर्ने बताएकी छन् ।

महामारी नियन्त्रणलका लागि चीनले गरेको अनुभव र शिक्षा समेत अन्तर्वार्तामा राजदूतले बताएकी छन् । चीनमा राष्ट्रपति सीको विशेष सक्रियतामा सम्पूर्ण स्वास्थ्यकर्मी तथा सरकारी कर्मचारीको एकीकृत प्रयासका कारण महामारी नियन्त्रण गर्न सफल भएको यान्छीले बताइन् । पार्टी कार्यकर्ताकाे समेत अहम भूमिका रहेकाे उनकाे भनाइ छ ।