भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

फर्केर हेर्दा विसं २०८१ : ६२ स्वदेशी र ८४ विदेशी चलचित्र प्रदर्शन, कारोबार १ अर्ब ८५ करोड

फर्केर हेर्दा विसं २०८१ : ६२ स्वदेशी र ८४ विदेशी चलचित्र प्रदर्शन, कारोबार १ अर्ब ८५ करोड

काठमाडौं, ३० चैत । विसं २०८१ नेपाली चलचित्र क्षेत्रका लागि समग्रमा उत्साहजनक रह्यो । यो वर्ष प्रदर्शन भएको चलचित्र ‘पूर्णबहादुरको सारङ्गी’ले घरेलु बजारमा ४६ करोड ८० लाख (ग्रस) को कीर्तिमानी व्यापार गरेर इतिहास रच्यो । यो तथ्याङ्क सञ्चार तथा सूचना प्रविधि मन्त्रालयअन्तर्गतको ‘सेन्ट्रल म्यानेज्मेन्ट टिकट सिस्टम (बक्स अफिस)’मा दर्ता छ, जसले २०८१ लाई नेपाली चलचित्रको इतिहासमा अविस्मरणीय बनाएको छ ।

यो वर्षको अन्तिम चलचित्रका रूपमा ‘पिताम्बर’ र ‘कर्मा’ चैत २९ गतेदेखि प्रदर्शनमा आए । बक्स अफिसको तथ्याङ्कअनुसार २०८१ मा ६२ स्वदेशी र ८४ विदेशी चलचित्र प्रदर्शन भए । नेपाल चलचित्र सङ्घका अध्यक्ष नरेन्द्र महर्जनका अनुसार यो वर्ष चलचित्रका दर्शक उल्लेख्य रूपमा बढे । उनले भने, “दसैँ र तिहारमा प्रदर्शन भएका चलचित्रले दर्शकलाई हलसम्म तान्न सफल भए । सपरिवार चलचित्र हेर्ने दर्शकको सङ्ख्या बढ्यो । पारिवारिक चलचित्रले दर्शकको मन जित्न महत्त्वपूर्ण भूमिका खेल्यो ।”

महर्जनले यो वर्ष प्रदर्शकहरूले १८ घण्टाभन्दा बढी काम गरेको र वर्षको अन्तिममा प्रदर्शन भएका चलचित्रले राम्रो सुरुवात गरेको बताए । उनले आगामी वर्ष २०८२ मा पनि चलचित्र निर्माण र व्यापारमा वृद्धि हुने विश्वास व्यक्त गरे ।

निर्देशक पुर्नेन्दु झाले २०८१ को सफलताले नयाँ र पुराना चलचित्रकर्मीहरूलाई उत्साहित बनाएको बताए । “यो वर्षको व्यावसायिक सफलताले नयाँ दर्शकलाई आकर्षित गर्न सकियो भने २०८२ मा नेपाली चलचित्रले थप उचाइ लिनेछ,” उनले भने । झाले आगामी वर्ष बजारको आकार अझ बढाउनुपर्ने चुनौती रहेको उल्लेख गरे । चलचित्रकर्मीहरूले २०८२ मा करिब ८० चलचित्र प्रदर्शन हुने अनुमान गरेका छन् ।

बक्स अफिस तथ्याङ्कअनुसार ५९ नेपाली चलचित्रले १ अर्ब ८० करोडको व्यापार गरेका छन् । बाँकी तीन चलचित्र ‘वसन्त’, ‘पिताम्बर’ र ‘कर्मा’सहित अन्य प्रदर्शनरत चलचित्रको व्यापार करिब ५ करोड भएको अनुमान छ । यस आधारमा नेपाली चलचित्र बजारको कुल कारोबार १ अर्ब ८५ करोडको हाराहारीमा पुगेको छ ।

 

 

 


Thali Mobile Pvt.Ltd.