- १ भाद्र २०८३, सोमबार / Aug 17, 2026
काठमाडौँ, १० कार्तिक । बैतडीको शिवनाथ गाउँपालिकाले स्थानीय जात्राको अवसरमा चार दिन सार्वजनिक बिदा दिने निर्णय गरेको छ।
गाउँपालिकाको अध्यक्षस्तरीय निर्णयअनुसार कात्तिक ११ र १२ गते, प्रसिद्ध शिवनाथ मन्दिरमा लाग्ने जात्राको अवसरमा, तथा कात्तिक १८ र १९ गते देहीगडा भगवती मन्दिरमा लाग्ने जात्राका दिन बिदा दिने जनाइएको छ।
गाउँपालिका अध्यक्ष कर्णसिंह साउदका अनुसार, यी मन्दिरहरूमा लाग्ने मेलामा नेपालका विभिन्न क्षेत्रका साथै भारतबाट पनि दर्शनार्थीहरू आउने भएकाले स्थानीयलाई सहजताका लागि बिदा दिने निर्णय गरिएको हो।
शिवनाथ मन्दिरमा हरेक वर्ष कार्तिक शुक्ल सप्तमी र अष्टमीका दिन विशेष जात्रा र मेलाको आयोजना हुने परम्परा रहिआएको छ। यस अवसरमा धार्मिक पूजाआजा, सांस्कृतिक कार्यक्रम र व्यापारिक मेला समेत आयोजना गरिने जनाइएको छ।
