- ३१ भाद्र २०८३, बुधबार / Sep 16, 2026
तनहुँ, १० कार्तिक। तनहुँका सामुदायिक वन समूहले वन पैदावर बिक्री गरी करिब साढे रुपैयाँ आम्दानी गरेका छन् । आर्थिक वर्ष २०८१÷८२ मा वन पैदावर बिक्री गरी जिल्लास्थित सामुदायिक वनले आठ करोड ४३ लाखभन्दा चार हजार ५०३ रुपैयाँ आम्दानी गरेका हुन्।
सामुदायिक वनले ८३ हजार ५१३.४५ क्युफिट वन पैदावर बिक्री गरेको डिभिजन वन कार्यालय तनहुँका सूचना अधिकारी एवं वन अधिकृत राजकुमार श्रेष्ठले जानकारी दिए। उनका अनुसार त्यसअवधिमा ४० हजार ३३१.९५ क्युफिट साल, ४१ हजार १०३.८० क्युफिट खयर र दुई हजार ९११.८६ अन्य वन पैदावर बिक्री भएको छ । यो अवधिमा ५०.१५ चट्टा दाउरा बिक्री भएको छ ।
जिल्लाको कुल क्षेत्रफलमध्ये करिब ७२ हजार ८० हेक्टर वनले ओगेटेको छ। जिल्लाभर ६१६ वटा सामुदायिक वन र ४८५ वटा कबुलियती वन छ । वन पैदावर बिक्रीमार्फत् एक करोड २० लाख चार हजार नौ सय ८६ राजस्व उठेको छ । रासस
