- २२ कार्तिक २०८३, आईतवार / Nov 8, 2026
भक्तपुर । श्रीमानको कुटपिटबाट एक महिलाको मृत्यु भएको छ ।
मादक पदार्थ सेवन गरी घर आएका श्रीमान् २५ वर्षीय सन्तोष भुजेलले श्रीमती २१ वर्षीया पवित्रा राईलाई हिजो साँझ कुटपिट गरी गम्भीर घाइते बनाएका थिए ।
पवित्रालाई उपचारका लागि भक्तपुर अस्पताल लगिएकोमा बेलुकी उनको मृत्यु भएको जिल्ला प्रहरी परिसरका डिएसपी वसन्त पाठकले बताउनु भयो ।
सिन्धुपाल्चोकको मेलम्ची घर भएका उनीहरू चाँगुनारायण नगरपालिका वडा नं ३, झौखेलमा भाडाको घरमा बस्दै आएका थिए । सन्तोषलाई प्रहरीले नियन्त्रणमा लिएर घटनाको थप अनुसन्धान गरिरहेको छ ।
