- २६ जेष्ठ २०८३, मंगलवार / Jun 9, 2026
एजेन्सी । दिल्लीको मुख्यमन्त्री को भन्ने चर्चा हुन थालेको छ । भारतको दिल्ली विधानसभा चुनावमा भारतीय जनता पार्टी (भाजपा) ले दुई तिहाईसहितको बहुमत प्राप्त गरेपछि उक्त चर्चा हुन थालेको हो ।
मुख्यमन्त्रीको मुख्य प्रतिस्पर्धीमा प्रवेश वर्मालाई भारतीय सञ्चारमाध्यमले उल्लेख गरेका छन् । वर्माले चुनावमा आम आद्मी पार्टीका प्रमुख तथा पूर्वमुख्यमन्त्री अरविन्द केजरीवाललाई पराजित गरेका छन् ।
चुनावअघि वर्माले केजरीवालको चर्को विरोध गरेका थिए । यसअघि वर्मा सन् २०१३ मा महरौलीबाट चुनाव जितेर पहिलो पटक विधायक बनेका थिए । सन् २०१९ मा भएको लोकसभाको चुनावमा पश्चिम दिल्लीबाट पनि वर्माले जीत हासिल गरेका थिए ।
उनले सन् २०२४ मा भएको विधान सभा चुनावमा टिकट पाएकानन् भने अहिले दिल्ली विधानसभामा निर्वाचित भएका छन् ।
७० सदस्यीय विधानसभामा भाजपाले ४८ सिट जितेको हो । दिल्लीमा सरकार गठनका लागि ३६ सिट आवश्यक पर्छ । भाजपाले २७ वर्षपछि दिल्लीमा सरकार बनाउने भएको हो ।
