- ३१ बैशाख २०८३, बिहीबार / May 14, 2026
काठमाण्डौ । सुख्खायामसँगै पछिल्लो समय देशभर आगलागी र डढेलोका घटना बढेका छन् । शुक्रबार बिहानदेखि शनिबा बिहानसम्ममा देशभर १४ ठाउँमा आगलागी भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
ती घटनामा १८ लाख रुपैयाँ भन्दा धेरैको क्षति भएको प्राधिकरणले जनाएको छ । गएको पुष १ गतेपछि काठमाण्डौमा मात्रै आगलागीका ३४ वटा घटना भएको जिल्ला प्रहरी परिसर काठमाण्डौले जनाएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले आगलागीका घटना बढेका भन्दै सचेत रहन आग्रह गरेको छ ।
सल्यानको श्रीनगरमा चलिरहेको महोत्सव स्थलमा आगलागी हुँदा ८० वटा स्टल जलेका छन् । आगलागीबाट महोत्सव स्थलमा राखिएका एक सय ३८ स्टलमध्ये ८० स्टल जलेका हुन् ।
यसबाट १० करोड रुपैयाँको क्षति भएको प्रहरीको प्रारम्भिक अनुमान छ । शनिबार सिंहदरबारमा रहेको खानेपानी मन्त्रीकै कार्यकक्षमासमेत आगलागी भएको र आगलागीबाट जोगिन र ध्यान दिन जिल्ला प्रहरी परिसर काठमाडौंले सबैमा अनुरोध गरेको छ ।
