भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

बीपी र मेची राजमार्ग अझै पूर्ण अवरुद्ध, जोमसोम–कागबेनी सडक सञ्चालनमा

बीपी र मेची राजमार्ग अझै पूर्ण अवरुद्ध, जोमसोम–कागबेनी सडक सञ्चालनमा

काठमाडौँ, १५ कात्तिक। अविरल वर्षाका कारण हिजोदेखि अवरुद्ध भएको बीपी राजमार्ग अझै पनि पूर्ण रूपमा खुलेको छैन। निरन्तर लेदो बगिरहेकाले अबरोध हटाउन कठिनाइ भइरहेको सडक डिभिजन कार्यालय भक्तपुरका प्रमुख सुमन योगेशले जानकारी दिनुभयो।

उहाँका अनुसार लेदो बग्ने क्रम रोकिएमा करिब दुई घण्टाभित्र सडक सञ्चालनमा ल्याउन सकिनेछ। राजमार्गका चारसय वेँसी, पिन्थली र मङ्गलटार क्षेत्रमा ठूलो मात्रामा लेदो र पहिरो खसेका छन्।

त्यसैगरी, वर्षाका कारण अस्ति बिहीबारदेखि अवरुद्ध मेची राजमार्ग आज (शनिबार) पनि बन्द छ। इलाम नगरपालिका–९ मा पहिरो खसेपछि सडक खुलाउने प्रयास जारी भए पनि भासिने क्रम नरोकिएकाले यातायात सञ्चालन सम्भव नभएको सडक डिभिजन कार्यालयका प्रमुख पवन भट्टराईले बताउनुभयो।

मेची राजमार्ग बन्द हुँदा इलाम, पाँचथर, ताप्लेजुङ र झापाका यात्रीहरू प्रभावित भएका छन्। यसबीच, अवरुद्ध रहेको जोमसोम–कागबेनी सडक भने मर्मतपछि पुनः सञ्चालनमा आएको छ।

विभिन्न स्थानमा भासिएको सडक मर्मत गरी अब जोमसोमबाट कागबेनी र मुक्तिनाथसम्म यातायात सहज भएको प्रमुख जिल्ला अधिकारी विष्णुप्रसाद भुसालले जानकारी दिनुभयो।

 


Thali Mobile Pvt.Ltd.