पोखरा महानगरका अधिकृत विरुद्ध घुस प्रकरणमा विशेष अदालतमा मुद्दा

पोखरा । पोखरा महानगरपालिकाका अधिकृत कपिल गिरीविरुद्ध घुससहित पक्राउ परेपछि विशेष अदालतमा भ्रष्टाचार मुद्दा दायर गरिएको छ।

गिरीले अख्तियारमा उजुरी परेको नक्कली विवरण देखाएर आफ्नै कार्यालयका कर्मचारीसँग २५ हजार रुपैयाँ घुस मागेको अभियोगमा अख्तियार दुरुपयोग अनुसन्धान आयोगले मङ्गलबार मुद्दा दायर गरेको हो।

उनी उजुरी फर्स्यौट तथा समन्वय शाखामा कार्यरत रहँदा सो कार्यमा संलग्न भएका थिए। अख्तियारका अनुसार उनले उजुरीसम्बन्धी प्रक्रिया मिलाइदिने भन्दै सेवाग्राहीसँग घुस लिएका थिए।

गिरीमाथि भ्रष्टाचार निवारण ऐन, २०५९ अनुसार कैद सजाय र बिगो बराबर जरिवाना मागदाबी गरिएको छ। अब उक्त प्रकरण अदालतबाट अगाडि बढ्नेछ।