भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

विद्यालय हडतालले सामुदायिक शिक्षा धरापमा: प्रमुख प्रजापति

विद्यालय हडतालले सामुदायिक शिक्षा धरापमा:  प्रमुख प्रजापति

भक्तपुर । शिक्षक राजेन्द्र प्रसाद प्रधानको अवकाश कार्यक्रम भावुक बन्यो, जब भक्तपुर नगरपालिकाका प्रमुख सुनिल प्रजापतिले वर्तमान शिक्षा प्रणालीमाथिको खतरा औँल्याउँदै विद्यालय हडतालले सामुदायिक विद्यालयको भविष्य चौपट बनाउन सक्ने चेतावनी दिनुभयो।

दश वर्षे युद्धमा पनि स्कुल बन्द भएन, अहिले किन ?

उहाँले भन्ुन भयो “१० वर्षे सशस्त्र संघर्षको समयमा पनि भक्तपुरका विद्यालयहरू चलिरहे। त्यही निरन्तरताले यहाँको शिक्षा उत्कृष्ट भएको हो। अहिले भने विद्यार्थीको भविष्यसँग खेलवाड भइरहेको छ।”

प्रजापतिका अनुसार अनिश्चितकालीन हडतालका कारण नयाँ भर्ना, कक्षा सञ्चालन, एसईई कापी मूल्याङ्कन र कक्षा १२ को परीक्षा सबै प्रभावित हुँदैछन्। यस्तो अवस्थामा निजी विद्यालयले फाइदा उठाउने भन्दै उहाँले सावधानी अपनाउन सबै पक्षलाई आग्रह गर्नुभयो।

आन्दोलन गलत होइन, तर…

प्रजापतिले आन्दोलनलाई पूर्ण रूपमा नकारात्मक भने मान्नुभएन। उहाँले भन्नुभयो, “पेशागत हितका लागि आवाज उठाउनु स्वाभाविक हो। तर, त्यसको असर लाखौं निर्दोष विद्यार्थीको जीवनमा पर्ने हो भने त्यो क्षम्य हुँदैन।”

“अझै राम्रो शिक्षा बनाउने अवसर हो”

उहाँले विगत स्मरण गर्दै भन्नुभयो, “२०३६ सालसम्म भक्तपुर शिक्षा क्षेत्रमा निकै पछाडि थियो। अहिले सुधार आएको छ। अब अझै राम्रो बनाउन शिक्षक, अभिभावक र स्थानीय समुदाय सबैको हातेमालो आवश्यक छ।”

विदाई, सम्मान र कदर

कार्यक्रमका केन्द्रबिन्दु थिए – ३ दशकसम्म शिक्षणमा समर्पित शिक्षक राजेन्द्र प्रसाद प्रधान। उहाँको योगदानको चर्चा गर्दै विद्यालय व्यवस्थापन समितिका अध्यक्ष हरिप्रसाद बासुकलाले उहाँको मिलनसार र जिम्मेवार स्वभावको प्रशंसा गर्नुभयो। शिक्षक प्रेम कुमार मगरले भने, “हामीबीच कहिलेकाहीं विचार फरक पर्थ्यो, तर उहाँ जहिल्यै शालीन, विवेकी र विद्यार्थीप्रति समर्पित शिक्षक हुनुहुन्थ्यो।”

कार्यक्रमको सभापतित्व प्रधानाध्यापक रवि प्रधानले गर्नुभएको थियो भने सहायक प्रधानाध्यापक राजकुमार ह्यौमिखाले स्वागत मन्तव्य दिनुभएको थियो। शिक्षक रामकुमार निरौलाले पनि प्रधानप्रतिको सम्मान व्यक्त गर्नुभयो। समारोहमा प्रमुख अतिथि प्रजापतिले शिक्षक प्रधानलाई दोसल्ला ओढाई मायाको चिनो प्रदान गर्दै हार्दिक सम्मान गर्नुभयो।

 


Thali Mobile Pvt.Ltd.