- २२ कार्तिक २०८३, आईतवार / Nov 8, 2026
भक्तपुर । नगरलाई धार्मिक पर्यटकीय क्षेत्रको रुपमा विकास गर्न कुनै कसुर बाँकी नराख्ने चाँगुनारायण नगरपालिकाका मेयर जीवन खत्रीले बताएका छन् । महाशिवरात्रीको अवसरमा शुक्रबार १०८ फिटको सरस्वती मूर्ति तथा बाल्मीकेश्वर मन्दिर निर्माणको शिलान्यास गर्दै यस्तो बताएका हुन ।
बाल्मीकेश्वर संरक्षण समाजको आयोजनामा भएको उक्त कार्यक्रममा मेयर खत्रीले नगरपालिकाले धार्मिक, पर्यटकीय क्षेत्रको विकास लागि आवश्यक पूर्वाधार निर्माणका कार्यलाई अघि बढाएको धारणा राखे । सबैको विश्वास, आस्था र भरोसालाई जोगाई राख्न दुबै मन्दिरको निर्माण गरिने बताए ।
मेयर खत्रीले धार्मिक, ऐतिहासिक, पुरातात्विक क्षेत्रको संरक्षण सम्बद्र्धन गरेर पर्यटकीय क्षेत्रको रुपमा विकास गर्न लागिपरेको बताए । ९ वटै वडालाई समेटेर धार्मिक पर्यटकीय पदमार्ग निर्माण, नगरकोट भ्रमण वर्ष २०८२ को पूर्व तयारीका लागि आवश्यक कार्यक्रम गरिरहेको, नगरको सम्पत्तिका रुपमा रहेको भाषा, धर्म, कला, संस्कृतिको संरक्षण र सम्बद्र्धन एवं विकास गर्ने नीति लिएको मेयर खत्रीले बताए ।
