भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

चीनका वैज्ञानिकले बनाए ‘बोन ग्लु’, ३ मिनेटमै भाँच्चिएको हड्डी जोडिने चमत्कारिक प्रविधि

चीनका वैज्ञानिकले बनाए ‘बोन ग्लु’, ३ मिनेटमै भाँच्चिएको हड्डी जोडिने चमत्कारिक प्रविधि

बेइजिङ, चीन । चिनियाँ वैज्ञानिकहरूले विश्वकै पहिलो यस्तो ‘बोन ग्लु’ (Bone Glue) तयार गरेका छन्, जसले भाँच्चिएको हड्डीलाई केवल २–३ मिनेटमै जोड्न सक्षम भएको दाबी गरिएको छ । 

यो बोन ग्लु सामुद्रिक सिपी (mussel) बाट प्रेरित भएर बनाइएको हो । वैज्ञानिकहरूका अनुसार यो बायोडिग्रेडेबल पदार्थ हो, जसले शरीरभित्र छ महिनाभित्रै आफैंँ घुल्ने क्षमता राख्छ ।

चीनको वेन्झोउ मेडिकल युनिभर्सिटीका डा. लिन जियानफेङ्ग नेतृत्वको टोलीले डेढ सयभन्दा बढी बिरामीमा यसको सफल परीक्षण गरिसकेको छ । अनुसन्धान टोलीले यसलाई सुरक्षित र अत्यन्त प्रभावकारी रहेको पुष्टि गरेको छ । डा. लिनका अनुसार यो ग्लु तयार गर्ने विचार समुद्रमा सिपीहरू लहर र ज्वारभाटामा समेत अडिग रहने क्षमताबाट आएको हो । “यदि सिपी रगतले भरिएको पानीमा पनि अडिन्छ भने, हड्डीको रगतमय सतहमा पनि टाँस्न सकिन्छ भन्ने विचारले नै यो प्रविधि जन्मियो,” उनले भने ।

बोन–०२ (Bone–02) नाम दिइएको यो जैविक पदार्थले दुई सय किलोसम्म तौल भएको वस्तुलाई पनि जोड्न सक्ने क्षमता राख्छ । सर्जरीमा प्रयोग गरेपछि भाँच्चिएका हड्डी २ देखि ३ मिनेटमै मजबुत रूपमा जोडिन्छन्, जसले उपचार समयलाई नाटकीय रूपमा घटाउने वैज्ञानिकहरूको भनाइ छ ।

स्वास्थ्य विशेषज्ञहरूका अनुसार यो प्रविधिले भविष्यमा अर्थोपेडिक सर्जरी, फ्र्याक्चर उपचार, र खेलकुद चोट उपचारमा नयाँ क्रान्ति ल्याउन सक्छ ।

 

 


Thali Mobile Pvt.Ltd.