- २९ भाद्र २०८३, सोमबार / Sep 14, 2026
काठमाडौँ । वाणिज्य, आपूर्ति तथा उपभोक्ता विभागले बजार अनुगमनलाई तीव्र बनाउँदै एक फर्मलाई नगद जरिवाना गरेको छ ।
स्थलगत अनुगमनका क्रममा कैफियत भेटिएपछि काठमाडौँ महानगरपालिका–११ ट्रमा सेन्टरस्थित सुनिल क्यान्टिनलाई पाँच हजार रुपैयाँ जरिवाना गरिएको विभागले जनाएको छ ।
यस्तै, विभागले हेल्दी बाइट्म सर्भिसेज प्रालि, चाबहिललाई व्यवसायसँग सम्बन्धित आवश्यक कागजातसहित तीन दिनभित्र उपस्थित हुन निर्देशन दिएको छ । साथै थप ११ फर्मलाई सुधारात्मक निर्देशन जारी गरिएको जनाइएको छ ।
स्थानीय सरोकारवाला, उपभोक्ता अधिकारकर्मी तथा अन्य सम्बन्धित पक्षहरूको उपस्थितिमा विभागले नियमित रूपमा बजार अनुगमन गर्दै कानुन कार्यान्वयनलाई कडाइका साथ अगाडि बढाउँदै आएको जनाएको छ ।
