- १३ बैशाख २०८३, आईतवार / Apr 26, 2026
काठमाडौँ नेपाली कांग्रेसकी समानुपातिक सांसद माया राईलाई शनिबार राति प्रहरीले पक्राउ गरेको छ। उनलाई कपनस्थित आफ्नै निवासबाट काठमाडौं उपत्यका अपराध अनुसन्धान कार्यालयको टोलीले पक्राउ गरेको हो।
सांसद राईमाथि स्वर्णलक्ष्मी बचत तथा ऋण सहकारी संस्था ठगी प्रकरणमा संलग्न रहेको आरोप छ। यो प्रकरणमा उनी मुद्दामा फरार रहँदै आएकी थिइन्। लामो समयदेखि सत्ताको आडमा उनलाई पक्राउ नगरिएको भन्दै आलोचना हुँदै आएको थियो।
भोजपुर स्थायी घर भएकी राई नेपाली कांग्रेसबाट प्रतिनिधिसभामा समानुपातिक तर्फबाट सांसद बनेकी हुन्। प्रहरीले अब यस मामिलामा थप अनुसन्धान अघि बढाउने जनाएको छ। यस घटनाले सहकारी काण्डमा संलग्न अन्य व्यक्तिहरूको भूमिकामाथि पनि प्रश्न उठाएको छ।
