- ६ कार्तिक २०८३, शुक्रबार / Oct 23, 2026
काठमाडौँ, वैशाख १३ – हेटौँडाबाट ठिंगन हुँदै काठमाडौँ जोड्ने प्रमुख वैकल्पिक सडकमार्ग कान्ति लोकपथ वैशाख १८ गतेदेखि दैनिक ६ घण्टाका लागि बन्द हुने भएको छ। जिल्ला प्रशासन कार्यालय मकवानपुरका अनुसार ठिंगन–बगुवा सडक खण्डमा चट्टान कटानको कार्य सुरु गर्न लागिएको हुँदा सो सडकमा सवारी आवागमनमा अस्थायी रोक लगाइएको हो।
वैशाख १८ गतेदेखि जेठ १ गतेसम्म, हरेक दिन बिहान १० बजेदेखि बेलुका ४ बजेसम्म उक्त सडकमार्गमा सबै प्रकारका सवारी साधनको आवागमन पूर्ण रूपमा बन्द गरिने जनाइएको छ।प्रशासनले यात्रु तथा चालकहरूको सुरक्षालाई ध्यानमा राख्दै यो निर्णय गरिएको स्पष्ट पारेको छ। साथै, यात्रुहरूलाई काठमाडौँ–हेटौँडा ओहोरदोहोरका लागि वैकल्पिक मार्गहरू प्रयोग गर्न सुझाव दिइएको छ।
सडक बन्द अवधिमा निर्माण कार्यहरूलाई छिटो र सुरक्षित रूपमा सम्पन्न गर्ने लक्ष्य राखिएको जनाइएको छ। प्रशासनले यात्राका क्रममा आवश्यक सतर्कता अपनाउन र जानकारीबिना यात्रा नगर्नसमेत अनुरोध गरेको छ।
