- ३ कार्तिक २०८३, मंगलवार / Oct 20, 2026
२७ साउन २०७७ राैतहट । रौतहटको कटहरिया बजार कोरोना संक्रमितको ‘हटस्पट’ बनेको छ । रौतहटको सदरमुकाम गौर, राजदेवी नगरपालिकापछि कटहरिया नगरपालिकाको वडा ४ र ५ मा २ जना महिलासहित ९ जना पुरुषमा कोरोना भाइरसको संक्रमण पुष्टि भएको हो ।
कटहरियाका उपप्रमुख नुरजहां खातुनको श्रीमानमा पनि कोरोना पुष्टि भएको छ । कटहरिया ४ हर्षाहाका १ जना ६० बर्षिय पुरुषमा र वडा ५ बजारका दुई जना ४५ बर्षिय पुरुष ,२५ बर्षिया महिला, १६ बर्षिया महिला र अन्य २२ देखि २५ बर्षका युवाहरूमा कोरोना संक्रमण रहेको कटहरिया नगर प्रमुख सियाराम कुश्वाहाले बताए् ।
मेयर कुश्वाहाका अनुसार संक्रमितहरु मध्ये केहिलाई मावी कटहरिया क्वारेन्टाइन र केहिलाई घरमै राखिएको छ । मावी कटहरियामा बिश्व स्वास्थ संगठनले तोकेको मापदण्ड अनुसार आइसोलेसन निर्माण गरेर सबै संक्रमितको उपचार सुरु गरिनेछ ।
संक्रमितहरुको सम्पर्कमा आएकाहरुको पिसिआर जांचको लागि स्वाब संकलन गरिने जनाइएको छ । कटहरियामा एकैपटक ९ जना समुदायका मानिसमा कोरोना संक्रमण पुष्टि भएपछि अत्यावश्यक बाहेक बजारका सबै व्यापार व्यवसाय बन्द गरिनेछ ।
याे पनि पढ्नुहाेस्…..
