भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

प्रविधिको दुरुपयोग नगर्न निर्वाचन आयोगको चेतावनी

प्रविधिको दुरुपयोग नगर्न निर्वाचन आयोगको चेतावनी

काठमाडौँ, ६ फागुन । निर्वाचन आयोगले चुनावी गतिविधिमा प्रविधिको दुरुपयोग नगर्न सम्बन्धित सबै पक्षसँग आग्रह गरेको छ । आयोगले प्रविधिको अनुचित प्रयोगले निर्वाचनको निष्पक्षता र विश्वसनीयतामाथि प्रश्न उठ्न सक्ने भएकाले यसतर्फ गम्भीर बन्न ध्यानाकर्षण गराएको हो ।

सामाजिक सञ्जालमार्फत गलत सूचना सम्प्रेषण नगर्न र नगराउन आम सञ्चार माध्यम तथा सरोकारवालासँग पनि आयोगले आग्रह गरेको छ । कार्यवाहक प्रमुख निर्वाचन आयुक्त रामप्रसाद भण्डारीले आर्टिफिसियल इन्टेलिजेन्स (एआई) प्रयोग गरी सृजना गरिएका भ्रामक सामग्री सामाजिक सञ्जालमा नराख्न आग्रह गर्नुभयो ।

उहाँले चुनावलाई मर्यादित, स्वच्छ र निष्पक्ष बनाउन सबै पक्ष जिम्मेवार बन्नुपर्ने बताउनुभयो । यसैगरी आयोगले चुनाव केन्द्रित मत सर्वेक्षणका नतिजा सार्वजनिक नगर्न पनि आग्रह गरेको छ । निर्वाचन आचारसंहिता २०८२ले मतदाताको स्वतन्त्र निर्णयलाई दिग्भ्रमित पार्ने कार्य गर्न नपाइने व्यवस्था गरेको भन्दै उम्मेदवारलाई हतोत्साही बनाउने वा प्रतिस्पर्धाको वातावरण खल्बल्याउने गतिविधि नगर्न आयोगले अनुरोध गरेको छ ।

नयाँ प्रविधिले सूचना प्रवाह सहज बनाएको भए पनि यसको दुरुपयोगले लोकतान्त्रिक प्रक्रियामा असर पार्न सक्ने भएकाले आचारसंहिताको पूर्ण पालना गर्न आयोगले पुनः आग्रह गरेको छ ।

 


Thali Mobile Pvt.Ltd.