- ८ बैशाख २०८३, मंगलवार / Apr 21, 2026
काठमाडौँ, २४ पुष । आगामी प्रतिनिधिसभा निर्वाचनलाई लक्षित गर्दै नेपाल प्रहरीले १ लाख ३४ हजार निर्वाचन प्रहरी (म्यादी प्रहरी) भर्ना प्रक्रिया सुरु गरेको छ।
प्रहरी प्रधान कार्यालय, मानवस्रोत विकास विभाग अन्तर्गतको भर्ना छनोट शाखाले १ लाख ३३ हजार ९८० म्यादी प्रहरीका लागि दरखास्त आह्वान गरेको हो।
सूचनाअनुसार इच्छुक नेपाली नागरिकले पुस २५ गतेदेखि माघ १ गतेसम्म बिहान १० बजेदेखि अपराह्न ५ बजेसम्म सम्बन्धित जिल्ला प्रहरी कार्यालय तथा काठमाडौँ, ललितपुर र भक्तपुरका जिल्ला प्रहरी परिसरमा उपस्थित भई दरखास्त फाराम बुझाउन सक्नेछन्।
निर्वाचन प्रहरीका लागि आवेदन दिने उम्मेदवारको न्यूनतम उमेर १८ वर्ष पूरा भई अधिकतम ५४ वर्ष तोकिएको छ। छनोट प्रक्रिया माघ १४ गते सम्बन्धित प्रहरी कार्यालयमै सञ्चालन हुने जनाइएको छ।
छनोट प्रक्रियाबाट उत्तीर्ण हुने उम्मेदवारको अन्तिम नतिजा माघ १७ गते प्रकाशन गरिनेछ भने म्यादी प्रहरीको तालिम माघ १८ गतेदेखि सुरु हुनेछ। म्यादी प्रहरीको सेवा अवधि नियुक्ति मितिदेखि जम्मा ४० दिन कायम रहने प्रहरी प्रधान कार्यालयले जनाएको छ।
