- २२ श्रावण २०८३, शुक्रबार / Aug 7, 2026
काठमाडौं, ३ जेठ । गायक तथा संगीतकार हेमन्त कान्छा रसाइली र गायिका रचना रिमालको स्वरमा नयाँ नेपाली गीत ‘चौतारीमा’ सार्वजनिक भएको छ।
हेमन्त कान्छा रसाइलीको आधिकारिक युट्युब च्यानलमार्फत सार्वजनिक गरिएको उक्त गीतमा राजकुमार बगरको शब्द रहेको छ भने संगीत स्वयं हेमन्त कान्छा रसाइलीकाे रहेकाे छ ।
गीतमा बिराज गन्धर्वको र्याप समावेश गरिएको छ। साथै संगीत संयोजन, मिक्सिङ तथा एरेन्जमेन्टको काम पनि हेमन्त कान्छा रसाइलीले नै गरेका छन्।
म्युजिक भिडियोमा हेमन्त कान्छा रसाइली, रचना रिमाल, राकेश सोनी, रिस्टा थापा, अभिषेक रसाइली लगायत कलाकारहरूको अभिनय रहेको छ।
भिडियोको निर्देशन पनि हेमन्त कान्छा रसाइलीले नै गरेका हुन् भने छायांकन करण चैसरले गरेका हुन्। सम्पादन तथा कलर ग्रेडिङ मिराज अर्यालले गरेका छन्। गीतलाई आधुनिक र लोक–संगीतको मिश्रणका रूपमा प्रस्तुत गरिएको छ।
