- १ आश्विन २०८३, बिहीबार / Sep 17, 2026
काठमाडौँ, ३ जेठ । ताइवानले आफूलाई स्वतन्त्र र सार्वभौम लोकतान्त्रिक राष्ट्र भएको स्पष्ट अडान सार्वजनिक गरेको छ। यो अभिव्यक्ति अमेरिकी राष्ट्रपति डोनाल्ड ट्रम्पले ताइवानलाई औपचारिक स्वतन्त्रता घोषणा नगर्न चेतावनी दिएको केही समयपछि आएको हो।
चिन भ्रमणपछि दिएको अन्तर्वार्तामा राष्ट्रपति ट्रम्पले ताइवानलाई औपचारिक स्वतन्त्रता घोषणा नगर्न आग्रह गर्दै यस्तो कदमले क्षेत्रीय तनाव बढाउन सक्ने चेतावनी दिएका थिए। तर ताइवानको विदेश मन्त्रालयले प्रतिक्रिया दिँदै कुनै नयाँ औपचारिक घोषणा आवश्यक नभए पनि ताइवान पहिले नै स्वतन्त्र लोकतान्त्रिक राष्ट्र भएको दाबी गरेको अन्तर्राष्ट्रिय सञ्चारमाध्यमले जनाएका छन्।
यसैबीच, चीनले भने ताइवानलाई आफ्नो अभिन्न हिस्सा भएको पुरानै अडान दोहोर्याएको छ। ताइवान–अमेरिका–चीनबीच देखिएको पछिल्लो राजनीतिक तनावले एशिया–प्रशान्त क्षेत्रमा सुरक्षा सन्तुलन थप अस्थिर हुन सक्ने विश्लेषकहरूले बताएका छन्।
