कोरोनाबिरुद्वको अभियानमा मेस्सीले गरे एक मिलियन युरो सहयोग

एजेन्सी । चर्चित फुटबलर लियोनल मेस्सीले कोरोना भाईरसबिरुद्वको अभियानमा एक मिलियन युरो सहयोग गरेका छन् । स्पेनको बार्सिलोना क्षेत्रका लागि एक मिलियन युरो सहयोग गरेका हुन् ।

बार्सिलोनामा रहेका क्लिनिक तथा सार्वजनीक अस्पतालका लागि कोरोना संक्रमणबिरुद्व लड्न मेस्सीले सो रकम सहयोग गरेका हुन् । अस्पतालले मेस्सीले गरेको सहयोगलाई पुष्टि गर्दै कोरोनाबिरुद्वको अभियानमा सो रकम खर्च हुने बतायो ।

सोही प्रकृतिको सहयोग बार्सिलोनाका पूर्व प्रशिक्षक पेप ग्वार्डिओलाले समेत गरेका छन् । बार्सिलाना क्षेत्रमा मेडिकल सामाग्री खरिदका लागि ग्वार्डिओलाले समेत १ मिलियन युरोनै सहयोग गरेका हुन् । स्पेन कोरोनाबाट निकै प्रभावित युरोपेली मुलुक हो ।