- २२ भाद्र २०८३, सोमबार / Sep 7, 2026
काठमाण्डौ, १३ असोज । मुग्लिङ–नारायणगढ सडकखण्डमा बिहान सानो पहिरो खसेपछि केही घण्टासम्म अवरुद्ध भएको सडक अहिले दुबैतर्फ संचालनमा आएको छ । बिहान सात बजेतिर खसेको पहिरोलाई तत्कालै सडक डिभिजन कार्यालय भरतपुरले पन्छाएर सञ्चालनमा ल्याएको हो ।
कार्यालयले यात्रु तथा चालकलाई लेन अनुशासन पालना गर्दै सुरक्षित यात्रा गर्न आग्रह गरेको छ ।यसैबीच, कोशी राजमार्ग अन्तर्गत संखुवासभाको भोटखोला गाउँपालिका–४ र मकालु गाउँपालिका–३ मा भने सडक अझै अवरुद्ध छ ।
अरु अधिकांश राजमार्ग सञ्चालनमा रहे पनि लगातार भइरहेको वर्षाका कारण हिलो हुने, साना अबरोध हुने क्रम जारी छ । दशैंको यात्रालाई सहज बनाउन सरकारले प्रमुख राजमार्गमा पन्छाउने उपकरण तयारी अवस्थामा राखेको सडक विभागले जनाएको छ ।
प्रहरीले लगातार वर्षा भइरहेकाले यात्रु र चालकलाई बाटोको अवस्था बुझेर मात्र सुरक्षितसाथ यात्रा गर्न सुझाव दिएको छ । यता, यातायात व्यवसायी राष्ट्रिय महासंघका अध्यक्ष विजयबहादुर स्वाँरले कतिपय चालकहरूले लामो समयसम्म नसुतीकन सवारी संचालन गरिरहेको पाइएकाले यसो नगर्न आग्रह गर्नुभएको छ ।
