भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

विश्वकप लिग-२: यूएईविरुद्ध टस जितेर नेपाल ब्याटिङमा

विश्वकप लिग-२: यूएईविरुद्ध टस जितेर नेपाल ब्याटिङमा

काठमाडौं, १३ कात्तिक । आइसीसी विश्वकप क्रिकेट लिग-२ अन्तर्गत आज नेपाल र संयुक्त अरब इमिरेट्स (यूएई) बीचको दोस्रो खेल दुबईमा भइरहेको छ । आइसीसी एकेडेमी मैदान, दुबईमा नेपालले टस जितेर पहिला ब्याटिङ गर्ने निर्णय गरेको हो ।

यसअघि श्रृंखलाको पहिलो खेलमा नेपाल अमेरिका विरुद्ध पराजित भएको थियो, त्यसैले आजको खेल नेपालका लागि अत्यावश्यक जितको अवसर बनेको छ । अमेरिकाले लिग-२ मा उत्कृष्ट प्रदर्शन गर्दै नेपाल र यूएई दुवैलाई हराएर तालिकाको शीर्ष स्थानमा उक्लिएको छ । मंगलबार राति दुबई इन्टरनेशनल मैदानमा अमेरिकाले यूएईलाई चार विकेटले पराजित गरेको थियो ।

नेपालले अमेरिकाविरुद्ध पहिलो खेलमा कमजोर ब्याटिङ प्रदर्शन गरेको थियो । आजको खेलमा नेपालले प्रदर्शन सुधार्दै यूएईलाई पराजित गर्ने लक्ष्य राखेको छ, भने घरेलु टोली यूएई पनि पहिलो जितको खोजीमा मैदान उत्रिएको छ । नेपालले यसपछि लिग-२ श्रृंखलाको तेस्रो खेल कात्तिक १५ गते शनिबार अमेरिकासँग र अन्तिम खेल कात्तिक १९ गते बुधबार पुनः यूएईसँग खेल्नेछ ।

हालसम्म नेपालले १७ खेलमा १२ अंक जोडेको छ र तालिकाको सातौं स्थानमा छ । समान खेल खेलेको यूएईको ६ अंक छ र त्यो आठौं स्थानमा रहेको छ । २२ खेल खेलेको अमेरिका भने ३२ अंकसहित दोस्रो स्थानमा छ ।

 


Thali Mobile Pvt.Ltd.