- २९ भाद्र २०८३, सोमबार / Sep 14, 2026
काठमाडौं, १३ कात्तिक । दक्षिणतर्फ विकसित ‘मोन्था’ चक्रवातको प्रभावका कारण शनिबार बिहानसम्म देशका अधिकांश भागमा वर्षा हुने सम्भावना रहेको जल तथा मौसम पूर्वानुमान महाशाखाले जनाएको छ ।
महाशाखाका अनुसार कर्णाली र सुदूरपश्चिम प्रदेशमा छिटपुट वर्षा, जबकि अन्य प्रदेशमा मध्यम वर्षा हुने सम्भावना छ । शनिबार बिहानदेखि मात्रै मौसममा सुधार आउने प्रवृत्ति देखिएको विभागकी प्रवक्ता विभूति पोखरेलले जानकारी दिइन् । उनका अनुसार, आगामी २४ घण्टाभित्र काठमाडौं उपत्यका र आसपासका क्षेत्रमा समेत वर्षा हुन सक्छ, तर सबै स्थानमा निरन्तर वर्षा नहुने बताएकाे छ ।
त्यस्तै आगामी २४ घण्टाभित्र कोशी, बागमती, गण्डकी र कर्णाली प्रदेशका उच्च पहाडी तथा हिमाली क्षेत्रहरूमा भारी हिमपातको सम्भावना पनि रहेको छ । विभागले वर्षासँगै चिसो बढ्ने भएकाले सर्वसाधारणलाई सतर्क रहन आग्रह गरेको छ ।
