भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

ओली र बालेन झापा जाँदै , प्रचण्ड रुकुम र माधव नेपाल रौतहटतर्फ

ओली र बालेन झापा जाँदै , प्रचण्ड रुकुम र माधव नेपाल रौतहटतर्फ

काठमाडौँ, ५ माघ २०८२ । प्रतिनिधिसभा सदस्य निर्वाचनअन्तर्गत प्रत्यक्षतर्फको उम्मेदवारी दर्ताका लागि विभिन्न राजनीतिक दलका शीर्ष नेताहरू काठमाडौँबाट आ–आफ्ना निर्वाचन क्षेत्रमा जान थालेका छन् । यसैक्रममा नेकपा एमालेका अध्यक्ष केपी शर्मा ओली सोमबार झापा जाँदैछन् ।

झापा निर्वाचन क्षेत्र नम्बर ५ बाट उम्मेदवारी दिने तयारी स्वरुप ओली झापा जान लागेको उनको सचिवालयले जनाएको छ । एमालेले ओलीलाई आगामी प्रधानमन्त्रीको उम्मेदवारका रूपमा झापा–५ बाट उम्मेदवार बनाउने निर्णय गरेको छ । 

यस्तै राष्ट्रिय स्वतन्त्र पार्टी (रास्वपा) बाट झापा–५ मा काठमाडौँ महानगरपालिकाका पूर्व मेयर बालेन शाह उम्मेदवार बन्ने तयारीमा छन् । माघ ६ गते उम्मेदवारी दर्ता गर्ने तयारीका साथ शाह आइतबार नै जनकपुर पुगेका छन् । उनी सोमबार झापा जाने कार्यक्रम रहेको रास्वपाले जनाएको छ । रास्वपाले शाहलाई आगामी प्रधानमन्त्रीका रूपमा अघि सारेको छ ।

यसैगरी नेपाली कम्युनिस्ट पार्टी (नेकपा) का संयोजक प्रचण्ड पनि सोमबार उम्मेदवारी दर्ताका लागि रुकुम पूर्व जाँदैछन् । २१ फागुनमा हुने प्रतिनिधिसभा सदस्य निर्वाचनका लागि उम्मेदवारी दर्ता गराउन प्रचण्ड सोमबार अपराह्न रुकुम पूर्व जाने कार्यक्रम रहेको छ ।

त्यसैगरी नेकपाका अर्का नेता माधवकुमार नेपाल पनि आजै निर्वाचन क्षेत्र रौतहट जाने तयारीमा छन् । उनका निजी सचिव लक्ष्मण रेग्मीका अनुसार नेपाल सोमबार दिउँसो उम्मेदवारी दर्ताका लागि रौतहट प्रस्थान गर्दैछन् । नेपाल रौतहट निर्वाचन क्षेत्र नम्बर १ बाट उम्मेदवार बन्ने भएका छन् ।

 


Thali Mobile Pvt.Ltd.