- ३० भाद्र २०८३, मंगलवार / Sep 15, 2026
काठमाडौँ, ५ माघ २०८२ । नेपाल प्रहरीका ६७ जना प्रहरी नायब उपरीक्षक (डीएसपी) को सरुवा गरिएको छ । आईजीपी दानबहादुर कार्कीले आइतबार राति डीएसपीहरूको सरुवासम्बन्धी निर्णय गरेका हुन् ।
सरुवासँगै काठमाडौँ उपत्यकाका ६ वटा प्रहरी वृत्तका इन्चार्जहरू परिवर्तन भएका छन् । प्रहरी वृत्त महाराजगन्जको जिम्मेवारी नवराज पोखरेललाई दिइएको छ भने वृत्त लैनचौरमा पुरुषोत्तम खड्कालाई सरुवा गरिएको छ । त्यसैगरी बालाजु वृत्तमा यमलाल बञ्जाडे , नयाँ बानेश्वरमा राजकुमार सिंह र चापागाउँ वृत्तमा शिला थापालाई पठाइएको छ ।
प्रहरी वृत्त जनसेवामा चन्द्रबहादुर थापाले जिम्मेवारी सम्हाल्ने भएका छन् । जिल्ला प्रहरी कार्यालय रसुवामा अशोक थापा सरुवा भएका छन् । लमजुङमा जितेन्द्र बस्नेत, इलाका प्रहरी कार्यालय सिमरामा दिलीप क्षेत्री, इलाका प्रहरी कार्यालय बुटवलमा निशान्त श्रीवास्तव, इलाका प्रहरी कार्यालय काँकडभिट्टामा निशेष चापागाईं र पश्चिम रुकुममा बेदबहादुर पौडेललाई सरुवा गरिएको छ ।
त्यस्तै उपत्यका अपराध अनुसन्धान कार्यालयमा वीरेन्द्र गोदारलाई पठाइएको छ । दोलखामा मनोजकुमार लामा र तेह्रथुममा लक्ष्मण ओली सरुवा भएका छन् । केन्द्रीय कारागारस्थित नेपाल प्रहरी अनाश्रित गुल्ममा शैलेश न्यौपाने र इलाका प्रहरी कार्यालय गजुरीमा सुरज कार्कीलाई सरुवा गरिएको प्रहरी स्रोतले जनाएको छ ।
