भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

रवि लामिछाने–छविलाल जोशीको मुद्दामा उच्च अदालतको सुनुवाइ स्थगित

रवि लामिछाने–छविलाल जोशीको मुद्दामा उच्च अदालतको सुनुवाइ स्थगित

बुटवल,  ४ मंसिर । राष्ट्रिय स्वतन्त्र पार्टीका सभापति रवि लामिछाने र पूर्व डीआईजी तथा गोर्खा मिडियाका पूर्व सञ्चालक छविलाल जोशीसम्बन्धी मुद्दा आज उच्च अदालत बुटवलमा तोकिएको भए पनि सुनुवाइ स्थगित गरिएको छ ।

गोलाप्रथाबाट ३ नम्बर इजलासमा परेका यो मुद्दामा न्यायाधीश मिलनकुमार राई र सानुमाया डङ्गोलको संयुक्त पेसी बस्ने तय थियो । तर रवि लामिछाने पक्षका कानुन व्यवसायीले दर्ता गरेको निवेदनपछि सुनुवाइ तत्कालका लागि रोकिएको उच्च अदालतका उपरजिष्टार यज्ञमूर्ति ज्ञवालीले जानकारी दिए ।

यसअघि गत हप्ता अदालतले मुद्दाको मूल मिसिल झिकाउन आदेश दिएको थियो । सहकारी ठगी र सङ्गठित अपराध अभियोगमा थुनामा रहेका लामिछानेले सहकारीमा भएको अपचलनअनुसार आफ्नो हिस्साको बिगो रकम दाखिला गरे पनि रुपन्देही जिल्ला अदालतले साउन २६ मा उनलाई जमानतमा छाड्न अस्वीकार गरेको थियो । उक्त आदेशविरुद्ध उनले भदौ ९ गते उच्च अदालतमा पुनर्विचारका लागि निवेदन दिएका थिए । 

अदालतले लामिछाने र जोशी दुबैको मुद्दा एउटै साथमा छिनोफानो गर्ने निर्णय पहिले नै गरिसकेको छ । स्थगित सुनुवाइ कहिले पुनः तोकिने भन्नेबारे भने अदालतले समय सार्वजनिक गरेको छैन ।

 

 

 

 

 


Thali Mobile Pvt.Ltd.