भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

गाजा स्थिरीकरण बलमा यमनको सहभागिताका लागि अमेरिकाको आग्रह, निर्णय अझै अनिश्चित

गाजा स्थिरीकरण बलमा यमनको सहभागिताका लागि अमेरिकाको आग्रह, निर्णय अझै अनिश्चित

वाशिङ्टन । अमेरिकी राष्ट्रपति डोनाल्ड ट्रम्पले अघि बढाएको शान्ति योजनाअन्तर्गत गाजामा खटिने प्रस्तावित अन्तर्राष्ट्रिय सुरक्षा बलमा (ISF) सहभागी हुन यमनलाई अमेरिकाले आग्रह गरेको तथ्य बाहिर आएको छ । एएफपीले उद्धृत गरेका यमनका पाँच जना सरकारी स्रोतका अनुसार यसबारे प्रारम्भिक छलफल भइरहेको छ तर कुनै ठोस निर्णय भइसकेको छैन ।

राष्ट्रसंघले हालै मात्र ट्रम्पको गाजा सुरक्षा योजनालाई अनुमति दिन सक्ने संकेत दिएको छ । तर अरब तथा मुसलमान बहुल धेरै राष्ट्र प्यालेस्टिनी समूहमाथि प्रत्यक्ष भिडाइ हुने जोखिमका कारण उक्त बलमा सहभागी हुन हिच्किचाइरहेका छन् । यमनका कूटनीतिज्ञ, राष्ट्रपति नेतृत्व परिषद्का अधिकारी तथा एक वरिष्ठ सैनिक अधिकारीले नाम नखोल्ने शर्तमा बताएअनुसार यमनको सम्भावित योगदान “धेरैजसो प्रतीकात्मक” हुनसक्छ । एक उच्च सैन्य अधिकारीले भने, “यस विषयमा अमेरिकीहरूसँग छलफल भएको हो, तर औपचारिक अनुरोध भने प्राप्त भएको छैन ।”

इरान समर्थित हुथी विद्रोहीले २०१४ मा सानामा शासन कब्जा गरेपछि यमनको अन्तर्राष्ट्रिय मान्यता प्राप्त सरकार विखण्डित अवस्थामै छ । हाल देशका धेरै प्रशासनिक क्षेत्र तथा जनसङ्ख्या हुथी समूहको नियन्त्रणमा छन् । यसैबीच हमासले अन्तर्राष्ट्रिय सुरक्षा बलको स्थापना नै अस्वीकार्य बताउँदै विरोध जनाइरहेको छ । हमाससँग नजिक मानिने हुथी समूहले यमनले उक्त बलमा सहभागी भए कडा प्रतिक्रिया जनाउने सम्भावना यमनका अधिकारीहरूले बताए ।

 

 

 


Thali Mobile Pvt.Ltd.