भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

खरिद प्रक्रिया ढिलाइ हुँदा ५ लाख रेबिजविरुद्धको खोप आउन सकेन, देशभर आपूर्तिमा असर

खरिद प्रक्रिया ढिलाइ हुँदा ५ लाख रेबिजविरुद्धको खोप आउन सकेन, देशभर आपूर्तिमा असर

काठमाडौं, ७ असार । सरकारले समयमै खरिद प्रक्रिया अघि नबढाउँदा देशभर एन्टिरेबिज भ्याक्सिन (एआरभी) को अभाव देखिएको छ।

विश्वव्यापी मूल्यवृद्धि, दररेट समायोजनमा ढिलाइ र पश्चिम एसियाको तनावपूर्ण अवस्थाका कारण करिब ५ लाख भायल खोपको खरिद प्रक्रिया प्रभावित भएको स्वास्थ्य तथा खाद्य स्वच्छता मन्त्रालयले जनाएको छ।

कुकुर, बाँदरलगायत जनावरले टोकेपछि लगाइने रेबिजविरुद्धको खोप जीवनरक्षक मानिन्छ। चिकित्सकहरूले सम्भावित संक्रमण रोक्न सकेसम्म छिटो खोप लगाउनुपर्ने सुझाव दिँदै आएका छन्।

मन्त्रालयका सह–प्रवक्ता तथा वरिष्ठ स्वास्थ्य प्रशासक डा. समिरकुमार अधिकारीका अनुसार पुरानो दररेटमा खोप खरिद सम्भव नभएकाले नयाँ मूल्यअनुसार टेन्डर प्रक्रिया अगाडि बढाउन समय लागेको हो।

उनका अनुसार करिब ५ लाख भायल एआरभी खोप खरिदको टेन्डर अन्तिम चरणमा पुगेको भए पनि आपूर्ति अझै सुरु भएको छैन। हालको अभाव व्यवस्थापन गर्न सरकारले विश्व स्वास्थ्य संगठनसँग समन्वय गरी आकस्मिक रूपमा खोप उपलब्ध गराइरहेको जनाएको छ।

आइतबार मात्र ४ हजार ५ सय भायल एन्टिरेबिज खोप नेपाल भित्रिएको र त्यसले सीमित अवधिसम्मको आवश्यकता धान्ने अपेक्षा गरिएको छ। मन्त्रालयले असार १६ गतेभित्र खरिद सम्झौता प्रक्रिया टुंग्याई थप खोप आपूर्ति सुरु गर्ने लक्ष्य राखेको छ।

आगामी आर्थिक वर्षमा रेबिजविरुद्धको खोप अभाव हुन नदिने गरी आवश्यक तयारी भइरहेको पनि मन्त्रालयले जनाएको छ। साथै, अत्यावश्यक औषधिको आपूर्तिमा देखिने समस्या समाधान गर्न सार्वजनिक खरिद प्रक्रियालाई थप प्रभावकारी बनाउने कानुनी सुधारको काम समेत अघि बढाइएको मन्त्रालयको भनाइ छ।

 


Thali Mobile Pvt.Ltd.