छ वर्षकै उमेरमा चित्रकला प्रर्दशनी

काठमाडौं । तपाईलाई अच्चम लाग्ला ६ वर्षकै उमेरमा चित्रकला प्रदर्शनी भयो भन्दा । हो चेल्सी वर्ल्ड स्कुल अत्तरखेल यूकेजीमा अध्ययनरत आरभ बन्धु थापाले ६ वर्षको उमेरमा आइतबार चित्रकला प्रदर्शनी गरेका हुन । उनले विभिन्न पार्कहरु, पशुपति मन्दिर क्षेत्र, भक्तपुर र काठमाडौं उपत्यकाका सम्पदा तथा प्राकृतिक चित्रकलाहरूको २५ तस्वीर प्रर्शन गरेका हुन ।

देशका विभिन्न क्षेत्रहरुको तस्वीरमा अवलोकन गर्न पाउँदा पदर्शनी अवलोक गर्न आएका दर्शकहरु अच्चममापरेका थिए । उनीहरुले आरभ बुन्धु थापालाई बधाई दिदै खुशी व्यक्त गरेका थिए । चेल्सी वर्ल्ड स्कुलको समन्वयमा एनबी सेन्टरको उमोजा कफी नेपालमा एक दिने चित्रकला प्रदर्शनी गर्न पाउँदा आफूलाई खुशी लागेको प्रेम बहादुर थापाले बताउनुभयो ।

उहाँले आफ्नो तेस्रो पुस्ता (नाती) ले चित्रकला प्रदर्शन गर्दा आफ्नो परिवार नै खुशीले गदगद भएको प्रतिक्रिया दिनुभयो । उहाँ देशको सेवामा तस्रो पुस्ताले पनि आफ्नो भूमिका निर्वाह गर्ने कुरामा आफू ढुक्क भएको बताउनुभयो । दैलेख भगवतीमाइ मनघरका हाल भक्तपुर लिवाली निवासी आरभ बन्धु थापा पत्रकार तथा फोटो ग्राफर भरतबन्धु थापाका ६ बर्षिय छोरा हुन ।